جەڭىس كۇنى قارساڭىندا شقو اكىمى سەمەي قالاسىنا كەلىپ، ۇلى وتان سوعىسىنىڭ اردەگەرلەرىنىڭ ۇيلەرىنە بارىپ مەرەكەلەرىمەن قۇتتىقتادى.

وبلىس اكىمى سەمەي قالاسىنا كەلىپ ءبىرىنشى راشيدا حاسانوۆانى قۇتتىقتادى.

راشيدا اشرافوۆنا 1932 جىلى 14 ناۋرىزدا دۇنيەگە كەلگەن. سەگىزىنشى سىنىپتى اياقتاپ كىتاپحاناشى بولىپ جۇمىس ىستەگەن.

ەكىجىلدىق مۇعالىمدەر ينستيتۋتىن اياقتاعاننان كەيىن سول ۋاقىتتاعى جاڭاسەمەي اۋدانىنىڭ بۇلاق اۋىلىنا جولدانعان. سودان كەيىن پەداگوگيكالىق ينستيتۋتتىڭ فيزيكا-ماتەماتيكا فاكۋلتەتىنە وقۋعا قابىلدانعان. ينستيتۋتتى اياقتاعاننان كەيىن تۇركسىب مەكتەبىنە وقۋ ءىسىنىڭ مەڭگەرۋشىسى لاۋازىمىنا جولداندى. سەگىزجىلدىق مەكتەپتە ديرەكتور لاۋازىمىندا جۇمىس اتقاردى. 1973 – 1988 جىلدارى، قۇرمەت دەمالىسىنا شىققانعا دەيىن، راشيدا اشرافوۆنا مۇعالىمدەردىڭ بىلىكتىلىگىن ارتتىرۋ ينستيتۋتىن باسقاردى.

«قۇرمەت بەلگىسى» وردەنىمەن، «ەڭبەك ارداگەرى»، «ەرەن ەڭبەگى ءۇشىن» مەدالدارىمەن، وبلىس جانە قالا اكىمدەرىنىڭ گراموتالارىمەن، «كسرو جانە قازكسر ءبىلىم بەرۋ ءىسىنىڭ ۇزدىگى»، «ۇلى وتان سوعىسىنىڭ ارداگەرى» توسبەلگىلەرىمەن ماراپاتتالعان.

97 جاستاعى سوعىس ارداگەرى ماتۆەي يۋرچەنكو ءوڭىر باسشىسىنا ءوزىنىڭ جاۋىنگەرلىك جولۋ تۋرالى ايتىپ بەردى.

ماتۆەي يۋرچەنكو 1925 جىلى 20 تامىزدا دۇنيەگە كەلگەن. 1943 جىلدىڭ 8 ناۋرىزىندا كراسنويارسك ولكەسىنىڭ مينۋسينسكيي اۋداندىق اسكەري كوميسسارياتىمەن اسكەر قاتارىنا شاقىرتىلعان. 1943 - 1945 جىلدارى 229 اتقىشتار پولكى قاتارىندا ەكىنشى ۋكراينا مايدانىندا شايقاسقان. جاۋىنگەرلىگى ەرلىگى ءۇشىن ءىى دارەجەلى «وتان سوعىسى» وردەنىمەن جانە «ەرلىگى ءۇشىن»، «گەرمانيانى جەڭگەنى ءۇشىن» مەدالدارىمەن ماراپاتتالعان.

شقو اكىمى جەڭىس كۇنىمەن 96 جاستاعى سوعىس ارداگەرى اسقار راحىمبايەۆتى قۇتتىقتادى. 1941 جىلى اسقار راحىمبايەۆ اقسۋات اۋداندىق اسكەري كوميسسارياتى ارقىلى اسكەرگە شاقىرتىلعان. 378 اسكەري ءبولىمنىڭ قاتارىندا شىعىس مايدانىندا شايقاسقان. رۋمىنيانى، براشيەۆا جانە ميشەلدى فاشيستىك گەرمانيادان ازات ەتۋگە قاتىسقان.

جاۋىنگەرلىك ەرلىگى ءۇشىن «وتان سوعىسى» وردەنىمەن، «گەرمانيانى جەڭگەنى ءۇشىن»، «ءمىنسىز ەڭبەگى ءۇشىن»، «ەڭبەك ارداگەرى» مەدالدارىمەن ماراپاتتالعان. ارداگەردىڭ 10 بالا، 27 نەمەرە، 43 شوبەرە، 2 شوپشەگى بار.

وبلىس باسشىسى سوعىس ارداگەرلەرىن جانە تىل ەڭبەككەرلەرىن جەڭىس كۇنىمەن قۇتتىقتاپ، زور دەنساۋلىق، ۇزاق عۇمىر تىلەدى جانە ءبىر جارىم ميلليوننىڭ سەرتيفيكاتىن، تۇرمىستىق تەحنيكا جانە ازىق-تۇلىك كورزيناسىن تابىستادى.

سەمەي قالاسىنداعى اقپاراتتىق ورتالىعى