رەسەي قاۋىپسىزدىك كەڭەسى ءتوراعاسىنىڭ ورىنباسارى دميتريي مەدۆەديەۆ telegram-كانالىندا ناتو ەلدەرىنىڭ ۋكراينانى قارۋمەن قامتاماسىز ەتۋى اليانستىڭ رەسەيمەن تىكەلەي قاقتىعىسى ءقاۋپىن ارتتىرادى دەپ مالىمدەدى.
ول ناتو رەسەي الەمدى يادرولىق سوعىسپەن قورقىتۋعا تىرىسىپ وتىر دەگەن تەزيستى ەنگىزۋگە بارىن سالىپ جاتىر دەپ سانايدى.
"ناتو ەلدەرى ۋكرايناعا جاپپاي قارۋ بەرۋى، ۋكراينا اسكەرىن باتىس تەحنيكاسىنا ۇيرەتۋى، جەندەتتەردى جونەلتۋى، ءبىزدىڭ شەكارا ماڭىندا اسكەري جاتتىعۋ وتكىزۋى ناتو مەن رەسەي اراسىندا تىكەلەي ءارى اشىق كونفليكتكە اكەلىپ سوعۋ ىقتيمالدىعىن ارتتىرادى. مۇنداي كونفليكتىڭ تولىقتاي يادرولىق سوعىسقا ۇلاسىپ كەتۋ ءقاۋپى ءاردايىم جوعارى. ال ول بارلىق سەناريي ءۇشىن اپاتتى جاعداي بولادى" دەگەن ول باتىستى ارەكەتىنىن سالدارى تۋرالى ويلانۋعا شاقىردى.
پىكىر قالدىرۋ