مەملەكەت باسشىسى باستاماشىلىق ەتكەن كونستيتۋسياعا وزگەرىستەر ەنگىزۋ جونىندەگى رەفەرەندۋم جاڭا قازاقستاننىڭ قۇرىلىس پروسەسىندە ماڭىزدى كەزەڭگە اينالادى. بۇل تۋرالى الماتىداعى قالالىق دوستىق ۇيىندە وتكەن ەتنومادەني بىرلەستىكتەر وكىلدەرىنىڭ وتىرىسىندا ايتىلدى.
– مەملەكەت باسشىسى كونستيتۋسياعا ەنگىزۋدى ۇسىنعان وزگەرىستەر ساياسي باسەكەلەستىكتى كۇشەيتۋگە، ەل ازاماتتارىنا جاڭا جانە تەڭ مۇمكىندىكتەر جاساۋعا مۇمكىندىك بەرەدى، – دەدى مودەراتور، الماتى قالاسىنىڭ ورىس مادەني ورتالىعىنىڭ ءتوراعاسى ۆسيەۆولود لۋكاشيەۆ.
ول رەفەرەندۋمعا قويىلعان يدەيالاردى پرەزيدەنت بيىلعى جولداۋىندا ايتقانىن ەسكە سالدى. ولاردىڭ نەگىزىندە «ءار ءتۇرلى كوزقاراستار، ءبىراق ءبىرتۇتاس ۇلت» قاعيداتىنىڭ تەزيسى جاتىر.
ۆسيەۆولود لۋكاشيەۆتىڭ پىكىرىن قالالىق ۇيعىر ورتالىعى ءتوراعاسىنىڭ ورىنباسارى، الماتى قالاسى قحا انالار كەڭەسىنىڭ ءتورايىمى ماحينۋر يسرايلوۆا دا قولدادى.
– بۇگىندە ەلىمىز ءوز دامۋىنىڭ بىرەگەي كەزەڭىندە تۇر. بۇل – ەلىمىزدىڭ ساياسي جانە ەكونوميكالىق ومىرىندەگى اۋقىمدى جاسامپاز وزگەرىستەر كەزەڭى. ءبىزدىڭ مىندەتىمىز – بۇل پروسەستى بىرلەسىپ قولداۋ، – دەپ اتاپ ءوتتى ماحينۋر يسرايلوۆا.
ەتنومادەني بىرلەستىكتەردىڭ كوشباسشىلارى الماتى قالاسىنىڭ بارلىق تۇرعىندارىن بىرىگۋگە، ازاماتتىق ۇستانىم تانىتۋعا جانە الداعى رەفەرەندۋمعا بەلسەندى قاتىسۋعا شاقىردى.
پىكىر قالدىرۋ