"ەندى eGov.kz پورتالىندا پايدالانۋشى وزىنە، سونداي-اق وتباسىنىڭ بارلىق مۇشەلەرىنە اتالعان قىزمەتكە ونلاين تاپسىرىس بەرە الادى. قىزمەت جەكە تۇلعالارعا تەگىن كورسەتىلەدى. پايدالانۋشىلارعا قويىلاتىن مىندەتتى تالاپتار جسن جانە ەسق بولۋى. قىزمەتتى قولدانۋ ءۇشىن پايدالانۋشى "ەلەكتروندىق ۇكىمەت" (eGov.kz) پورتالىندا قانداس مارتەبەسىن بەرۋ نەمەسە ۇزارتۋ قىزمەتىن تاڭدايدى. تاڭدالعان قىزمەت تۇرىنە سايكەس، پايدالانۋشى مارتەبەسىن الۋ ءۇشىن ق ر ەڭبەك جانە حالىقتى الەۋمەتتىك قورعاۋ مينيسترلىگى اقپاراتتىق جۇيەسى ارقىلى تەكسەرۋ جۇزەگە اسىرىلاتىن بولادى. بارلىق مىندەتتى جولداردى تولتىرىپ، سۇراتىلعان قۇجاتتاردى قوسا تىركەۋ قاجەت" دەلىنگەن اقپاراتتىق حابارلامادا.
ءوتىنىم بەرگەن كەزدە پايدالانۋشى قانداس مارتەبەسىن بەرۋ نەمەسە ۇزارتۋ قاجەت وتباسى مۇشەلەرى بويىنشا مالىمەتتەردى تولتىرا الادى. وتباسى مۇشەلەرىنىڭ سانىنا شەكتەۋ جوق. بۇدان ءارى قول قويۋدىڭ قولجەتىمدى ادىستەرىنىڭ بىرىمەن وتىنىمگە قول قويۋ قاجەت.
قىزمەت كورسەتۋ ناتيجەسى رەتىندە قانداس كۋالىگى بەرىلەدى نەمەسە جەرگىلىكتى اتقارۋشى ورگاننىڭ قانداس مارتەبەسىن ۇزارتۋ تۋرالى شەشىمى شىعادى. بىرنارسە دۇرىس بولماعان جاعدايدا پايدالانۋشىنىڭ "جەكە كابينەتىنە" مەملەكەتتىك قىزمەت كورسەتۋدەن باس تارتۋ تۋرالى حابارلاما كەلەدى. مەملەكەتتىك قىزمەتتى قاراۋ 4 جۇمىس كۇنىن الادى.
پىكىر قالدىرۋ