2022 جىلعى 18 مامىردان ءتۇرعىن-ۇي الۋعا ارنالعان "الماتى جاستارى" جەڭىلدىكپەن نەسيەلەندىرۋ باعدارلاماسى شەڭبەرىندە وتىنىشتەر مەن قۇجاتتاردى قابىلداۋ باستالادى.
باعدارلاماعا قاتىسۋ ءۇشىن ءوتىنىش www.almaty-zhastary.kz سايتى ارقىلى قابىلدانادى. سايتتا اۆتوريزاسيالاۋ ەلەكتروندىق سيفرلىك قولتاڭبا (ەسق) ارقىلى جۇرگىزىلەدى، ونى حقكو-دان الۋعا بولادى.
باعدارلاما شەڭبەرىندە نەسيە بەرۋدىڭ شارتتارى:
- قارىزدىڭ ەڭ جوعارى سوماسى – 18 ملن تەڭگەگە دەيىن؛
- پايىزدىق مولشەرلەمە – 5%؛
- باستاپقى جارنا – 10%؛
- باستاپقى جانە قايتالاما تۇرعىن ءۇي الۋ مۇمكىندىگى؛
- قامتۋ – 1000 ادام.
- قارىز مەرزىمى – 25 جىلعا دەيىن
قاتىسۋ ءۇشىن نەگىزگى تالاپتار:
- قاتىسۋشىنىڭ جاسى 35 جاسقا دەيىن (قوسا العاندا)، بولۋى كەرەك. بۇ جەردە جۇبايىنىڭ (زايىبىنىڭ) جاسى ماڭىزدى ەمەس. باعدارلاماعا نەگىزگى قاتىسۋشى رەتىندە تەك ەرلى-زايىپتىلاردىڭ بىرەۋى عانا قاتىسا الادى؛
- ۇمىتكەر مەن ونىڭ وتباسى مۇشەلەرىندە تۇرعىن ءۇي بولماۋى كەرەك.
- قاتىسۋشىنىڭ الماتى قالاسىندا بەلگىلەنگەن ساناتتار بويىنشا كەم دەگەندە 6 اي مىندەتتى زەينەتاقى مولشەرلەمەسى جانە رەسمي جۇمىس ءوتىلى بولۋى كەرەك. بەلگىلەنگەن ساناتتار قاتارىندا دەنساۋلىق ساقتاۋ، ءبىلىم بەرۋ، مادەنيەت، سپورت، جوو-لار جانە عزي، جۋرناليستيكا، الەۋمەتتىك سالا جانە قۇقىق قورعاۋ ورگاندارى سالالارى بار.
پىكىر قالدىرۋ