بۇگىن جەڭىلدەتىلگەن اۆتونەسيەلەۋ باعدارلاماسى ىسكە قوسىلۋى كەرەك بولعان، الايدا بانكتەر بولىنگەن قاراجات شوتتارىنا تۇسپەگەنىن ءمالىم ەتىپ وتىر.
ال اۆتوسالونداردا ۇزىن-سونار كەزەك. ساتىلاتىن كولىك جوق.
Informburo.kz سايتى ForteBank پەن سەنتركرەديت بانك باعدارلاما قاراجاتى شوتتارىنا تۇسپەگەنىن، ازىرگە ءوتىنىم قابىلدانبايتىنىن حابارلاعانىن جازدى.
بەلگىلى بولعانداي، بۇرىن جەڭىلدەتىلگەن اۆتونەسيەلەۋ باعدارلاماسى بويىنشا كەزەكتە تۇرعاندار جاڭا باعدارلاماعا ءوتىنىمدى قايتادان تاپسىرادى، كەزەك جاڭادان تۇزىلەدى.
ءىnbusiness.kz سايتىنىڭ جازۋىنشا، نۇر-سۇلتان مەن الماتىداعى اۆتوسالونداردا كولىك جوق، ساتۋ مەنەدجەرلەرى جاڭا كولىكتەر 3-4 ايدا كەلەتىنىن ايتقان.
ەل ىشىندە ءجيى كوتەرىلىپ جۇرگەن جەڭىلدەتىلگەن اۆتونەسيە باعدارلاماسىن بيلىك قاڭتار وقيعاسىنان كەيىن قايتا جانداندىرعان. اتالعان ماقساتقا 100 ملرد تەڭگە جۇمسالادى دەپ كۇتىلىپ وتىر.
باعدارلاما شارتتارى تومەندەگىدەي:
- سىياقى مولشەرلەمەسى: 4%؛
- نەسيەلەندىرۋ سوماسى: 10 ملن تەڭگەدەن ارتىق ەمەس؛
- قارجىلاندىرۋ مەرزىمى: 7 جىلدان ارتىق ەمەس؛
- باستاپقى جارنا: 0 % باستاپ؛
- كولىك قۇرالىنىڭ قۇنى: 15 ملن تەڭگەدەن اسپايدى.
اۆتونەسيەنى ەكىنشى دەڭگەيدەگى بانكتەر بەرەتىن بولادى.
الەۋمەتتىك جەلى قولدانۋشىلارى باعدارلاما جانداناتىنى تۋرالى اقپارات شىعىسىمەن جاڭا كولىكتەردىڭ باعاسى ايتىرلىقتاي قىمباتتاعانىن ءجيى جازادى.
پىكىر قالدىرۋ