ۋكراينا پرەزيدەنتى ۆلاديمير زەلەنسكيي "رەسەيلىك كۇشتەر دونباسستىڭ شىعىس بولىگىن تولىعىمەن قيراتتى" دەپ مالىمدەدى.
ول رەسەيدىڭ شابۋىلى باعىتتالعان ايماقتاعى جاعدايدى سيپاتتاي وتىرىپ "ول جەر توزاققا اينالدى، بۇل – ارتىق ايتقاندىق ەمەس" دەيدى.
لۋگانسك وبلىسىنىڭ گۋبەرناتورى سەرگەي گايداي سوڭعى 24 ساعاتتا رەسەيلىك شابۋىلداردان 13 بەيبىت تۇرعىن قازا تاپقانىن دەپ مالىمدەدى.
ال اقش سەناتورلارى ۋكرايناعا 40 ميلليارد دوللارعا جۋىق كومەك بەرۋ تۋرالى قۇجاتتى ماقۇلدادى. بۇل – رەسەيدىڭ ۋكرايناعا باسقىنشىلىق سوعىسى باستالعاننان بەرگى ەڭ ۇلكەن قولداۋ پاكەتى.
اقش پرەزيدەنتى دجو بايدەن سونداي-اق فينليانديا مەن شۆەسيانىڭ ناتو-عا مۇشە بولۋ وتىنىشتەرىن تولىق قولدايتىنىن ايتتى.
ۇلىبريتانيانىڭ پرەمەر-مينيسترى بوريس دجونسون بولسا، رەسەيدى "ۋكراينانىڭ استىق ەكسپورتىنا ءقاۋىپتى كەدەرگىلەر جاسادى" دەپ ايىپتادى.
پىكىر قالدىرۋ