رەسەي ۋكراينانىڭ استاناسى كييەۆ ماڭىنداعى كۇشتەرىن كەرى قايتارعاننان كەيىن اسكەرىنىڭ باسىم بولىگىن ۋكراينانىڭ شىعىسىنا اۋداردى.
ۋكراينانىڭ دونباسس دەپ اتالاتىن ەسكى ونەركاسىپ ورتالىعى ءۇشىن شايقاس رەسەي باسقىنشىلىعىنىڭ تاعدىرىن شەشۋى مۇمكىن.
دونباسستا نەگىزىنەن ءورىستىلدى ازاماتار تۇرادى. رەسەي وزىنە-وزى تاۋەلسىزدىك جاريالاعان لۋگانسك جانە دونەسك حالىق رەسپۋبليكالارىنىڭ وتانى بولعان ايماقتى "ازات ەتۋ" تۋرالى بىرنەشە رەت ايتقان.
ايماقتى باسىپ الۋ ماسكەۋگە وڭتۇستىك جاعالاۋدى بويلاي رەسەي شەكاراسىنا دەيىن قۇرلىقتاعى كوپىر اشۋعا جانە 2014 جىلى ءوزى اننەكسيالاپ العان قىرىم تۇبەگىنە سۋ بەرۋدى باقىلاۋعا مۇمكىندىك بەرەدى.
رەسەي كۇشتەرى ايماقتاعى ۋكراينا اسكەرلەرىن قورشاۋعا تىرىستى. كييەۆتىڭ شايقاستا شىڭدالعان ءارى تاجىريبەلى 40 مىڭعا جۋىق ساربازى دونباسستا ورنالاسقان. ولار جەڭىلىپ قالسا، ۋكراينا پرەزيدەنتى ۆلاديمير زەلەنسكييدىڭ سوعىس ارەكەتىنە ايتارلىقتاي سوققى بولادى.
ءبىراق سوڭعى كۇندەرى اسكەري ساراپشىلار ورىس اسكەرلەرى حاركوۆ قالاسىنان رەسەي شەكاراسىنا قاراي شەگىنىپ، كۇش-جىگەرى السىرەگەنىن ايتادى.
دەرەككوز: ۆۆس
پىكىر قالدىرۋ