الماتى قالاسى توتەنشە جاعدايلار دەپارتامەنتى شتاتتىڭ ۇلكەيۋىنە بايلانىستى ءورت ءسوندىرۋشى-قۇتقارۋشى، ءورت ءسوندىرۋ كولىگىن جۇرگىزۋشىسى قىزمەتتەرىنە كونكۋرستار جاريالادى. قازىرگى ۋاقىتتا 288 ۆاكانسيا جاريالانعان.
ۇمىتكەرلەرگە تومەندەگىدەي تالاپتار قويىلادى:
- جاسى 18-35 جاس ارالىعىندا بولۋى كەرەك؛.
- كەمى ورتا ءبىلىم بولۋى مىندەتتى؛
- ۇمىتكەر قىزمەتكە كىرىسەردە كاسىپكەرلىك قىزمەتپەن اينالىسپاۋعا ءتيىس؛
- قىلمىستىق جاۋاپكەرشىلىككە تارتىلماعان بولۋى كەرەك؛
- ۇمىتكەرلەر دەنساۋلىق، تۇلعالىق، ىسكەرلىك جاعدايى بويىنشا تەكسەرىستەن ءوتۋى، زاڭدى ءبىلۋى، فيزيكالىق جاتتىعۋلار كەشەنىن ورىنداۋى ءتيىس.
وقۋ مالىك عابدۋللين اتىنداعى ازاماتتىق قورعانىس اكادەمياسى بازاسىنا تيەسىلى وقۋ ورتالىعىندا وتەدى. ءورت سوندىرۋشىلەر 35، جۇرگىزۋشىلەر 14 كۇن وقيدى. وقۋ كەزىندە ۇمىتكەرلەر جاتىن ورىن جانە تاماقپەن قامتاماسىز ەتىلەدى. سىناق مەرزىمى كەزىندە 94 325 تەڭگەدەن 127 418 تەڭگەگە دەيىن اقشا تولەنەدى.
تولىعىراق اقپاراتتى الماتى قالاسى قونايەۆ كوشەسى 138 ءۇي مەكەنجايىنان نەمەسە 8 (727) 261 28 92 تەلەفون نومەرىنەن بىلۋگە بولادى.
دەرەككوز: Informburo.kz سايتى
پىكىر قالدىرۋ