قازاقستاندا ەلەكتروندىق ۇكىمەت پورتالى – eGov ارقىلى شەتەلدىكتەرگە جسن بەرۋ توقتاتىلدى.

قازىرگى ۋاقىتتا ەGov سايتىندا اتالعان قىزمەت ءتۇرى قولجەتىمسىز. ازاماتتارعا ارنالعان ۇكىمەت كورپوراسياسىنىڭ باسپا ءسوز قىزمەتى قىزمەتتىڭ ىستەن شىعۋى تەحنيكالىق سەبەپتەرگە بايلانىستى ەكەنىن ايتادى.

الايدا شەتەلدىكتەر ءجسن-دى ءالى دە حالىققا قىزمەت كورسەتۋ ورتالىعىنا بارىپ الۋىنا بولادى.

ىشكى ىستەر مينيسترلىگى ەلگە ۋاقىتشا كەلگەن شەتەلدىكتەردىڭ جەكە سايكەستەندىرۋ ءنومىرىن الۋىنا شەكتەۋ ەنگىزگەن جوق دەپ حابارلادى.

ۆەدومستۆو مالىمەتىنشە، جىل باسىنان بەرى 90 100 شەتەلدىك قازاقستان ءجسن-ىن راسىمدەگەن. ولاردىڭ ىشىندە 35 960 رەسەي ازاماتى جانە 637 ۋكراينا ازاماتى بار.

جاقىندا رەسەيلىك ەسترادا ءارتىسى ليەۆ لەششەنكو قازاقستان جەكە سايكەستەندىرۋ ءنومىرىن العانى الەۋمەتتىك جەلىدە قىزۋ تالقىلانىپ، كەي قولدانۋشىلار رەسەي ازاماتتارىنا قازاقستان ءجسن-ىن وڭدى-سولدى تاراتۋدى شەكتەۋ كەرەكتىگى جەتكىزگەن.