قوستاناي وبلىسى بويىنشا Cىبايلاس جەمقورلىققا قارسى قىزمەت وبلىس اكىمدىگىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ لاۋازىمدى ادامدارىنا قاتىستى ادام ساۋداسى فاكتىسى بويىنشا سوتقا دەيىنگى تەرگەۋ باستاعانىن ءمالىم ەتتى.
"ولار وبلىستىڭ الەۋمەتتىك مەكەمەلەرىنىڭ بىرىندە مەملەكەتتىڭ قامقورلىعىندا بولعان ارەكەتكە قابىلەتسىز ازاماتشانى نۇر–سۇلتان قالاسىنداعى قارتتارعا ارنالعان جەكە پانسيوناتقا تەگىن جۇمىس كۇشى رەتىندە پايدالانۋ ءۇشىن تابىستادى دەپ كۇدىكتەلۋدە. كۇدىكتىلەردىڭ ءبىرى سوتتىڭ سانكسياسىمەن ءۇي قاماۋىنا الىندى. كۇدىكتىلەرگە قاتىستى ولاردىڭ كىناسىنىڭ دارەجەسىن انىقتاي وتىرىپ، تۇپكىلىكتى شەشىم تەرگەۋ ناتيجەلەرى بويىنشا قابىلداناتىن بولادى" دەلىنگەن اقپاراتتىق حابارلامادا.
