جالپى ءبىلىم بەرەتىن مەكتەپتەردەگى ءۇش ءتىلدى وقىتۋ باعدارلاماسىنا وزگەرىس ەنەدى. بۇل تۋرالى بءىلىم جانە عىلىم ءمينيسترى اسحات ايماعامبەتوۆ nur.kz باسىلىمىنا بەرگەن سۇحبات بارىسىندا ايتتى.

ءمينيستردىڭ سوزىنشە، ەندى بالالار ءۇش ءتىلدى كەزەڭ-كەزەڭىمەن ۇيرەنەتىن بولادى.

– باستاۋىش مەكتەپتە تىلدەردى وقىتۋ تۋرالى قابىلدانعان شەشىمنىڭ ءتيىستى عىلىمي نەگىزدەمەسى بار. بۇدان قانداي دا ءبىر سەبەپ ىزدەۋدىڭ قاجەتى جوق. بۇل – تەك عىلىم، ديداكتيكا. بالا ءبىرىنشى سىنىپقا كەلگەندە بىردەن ءۇش ءتىلدىڭ – قازاق، ورىس جانە اعىلشىن تىلدەرىنىڭ الىپپەسىن باستايدى. ال بۇل التى جاسار بالاعا وتە اۋىر. ءبىز سوڭعى جىلدارى مونيتورينگ جۇرگىزە كەلە، باسقا شەشىم قابىلداۋ قاجەتتىگىن كوردىك. جاڭا وقۋ جىلىنان باستاپ مەملەكەتتىك تىلدە وقيتىن بالالار الدىمەن قازاق، ياعني انا ءتىلىن مەڭگەرەدى. ولار وقۋ مەن جازۋدى ۇيرەنىپ العان سوڭ عانا ەكىنشى سىنىپتا ورىس ءتىلىن ۇيرەنسە، الدەقايدا جەڭىل بولادى. ال ءۇشىنشى سىنىپتا لاتىن قارپىندەگى ءۇشىنشى ءتىلدى مەڭگەرۋ ودان دا جەڭىل بولادى. بۇل ءبىزدىڭ ۇسىنىستارىمىز، الداعى ۋاقىتقا قويعان جوسپارلارىمىز، – دەدى مينيستر.