تەحنولوگيا سالاسىنداعى الەمدىك الپاۋىت Apple كومپانياسى سمارتفوندارعا ارنالعان iOS16 وپەراسيالىق جۇيەسىنە قازاق ءتىلىن قوستى. بۇل تۋرالى سيفرلىق دامۋ، يننوۆاسيالار مەن اەروعارىش ونەركاسىبى ءمينيسترى باعدات مۋسين ءمالىم ەتتى.
"بۇگىن Apple الەم كۇتكەن جاڭاشىلدىقتى جاريا ەتتى. ءبىزدىڭ ەل ءۇشىن بۇل پرەزەنتاسيا اسا ماڭىزدى، سەبەبى جاڭا iOS16 وپەراسيالىق جۇيەسىنە قازاق ءتىلى قوسىلدى، اۆتوتۇزەتۋ فۋنكسياسىمەن. 2019 جىلى رەسمي تىزىمگە ەنگىزىلسە، ەندى جاساندى ينتەللەكتتىڭ اۆتوماتتى تۇردە تۇزەتەتىن فۋنكسيالارىمەن ىسكە قوسىلدى. بۇل – ءقازاقتىلدى قولدانۋشىلار سانى ارتىپ، انا ءتىلىمىزدى الەم مويىنداپ جاتىر دەگەن ءسوز" دەدى مينيستر الەۋمەتتىك جەلىدەگى پاراقشاسىندا.
كوممۋنيكاسيا سالاسى بويىنشا ساراپشى ايبار ولجايەۆ Iphone-دا قازاق ءتىلىنىڭ پايدا بولاتىنى قازاق ءتىلىنىڭ بولاشاعىنا دەگەن حالىقارالىق سەنىمنىڭ بەلگىسى ەكەنىن ايتادى.
"قازاق ءتىلى ەندى ەشقاشان ولمەيتىن بولدى جانە بارلىق داعدارىستى ەڭسەرىپ شىقتى. سەبەبى، الەمدىك بيزنەس پروسەسستەردە قازاق ءتىلىن ەلەۋ، ساناسۋ ترەندتەرى باستالىپ كەتتى. Apple ءوزىنىڭ IOS وپەراسيالىق جۇيەسىنە قازاق ءتىلىن سيستەمالىق ءتىل قىلىپ ەنگىزىپ وتىر. اقش ىشكى جالپى ءونىمىنىڭ 6 پايىزىن بەرىپ وتىرعان Apple الەمدە Saudi Aramcoدان كەيىنگى ەڭ قىمبات كومپانيا. ال Iphone – ەڭ اتاۋلى سمارتفون. قازاق ءتىلىنىڭ وعان ءىلىنۋى – ونىڭ بولاشاعىنا دەگەن حالىقارالىق سەنىمنىڭ بەلگىسى. جالپى، مامىر-ماۋسىم ايلارى قازاق تىلىنە كوپتەگەن جاقسى جاڭالىقتار الىپ كەلدى. Appleء-دى ايتتىق، ودان بولەك، Nickelodeon قازاقشاعا اۋىستى. ءقازاقتىلدى كوممۋنيكاسيا مامانى بولعاندىقتان، بيىلدان باستاپ ءتىلى قازاقشالانباعان كوپتەگەن الەمدىك ءىرى برەند، كومپانيالار تاراپىنان مەننەن كەڭەس سۇراۋ، اۋديتوريانىڭ ەرەكشەلىكتەرىن بىلۋگە دەگەن سۇرانىستار كوبەيدى. سوندىقتان، ترەند دەگەندە – مەن شىنىمەن دە كوزبەن كورىپ، قولمەن ۇستاعان نارسەمدى ايتىپ وتىرمىن" دەيدى مامان جەلىدەگى جازباسىندا.
