قازگيدرومەت 11-13 ماۋسىمعا ارنالعان اۋا رايى بولجامىن جاريالادى. سينوپتيكتەردىڭ دەرەگىنشە، الداعى كۇندەرى اۋا رايى تۇراقسىز بولادى.
"سولتۇستىك-باتىس جانە وڭتۇستىك سيكلوندارىنىڭ بىرىگۋىنەن رەسپۋبليكانىڭ بارلىق اۋماعىندا دەرلىك اۋا رايىنىڭ تۇراقسىز سيپاتى ساقتالادى. جاڭبىر جاۋادى، 11-12 ماۋسىمدا رەسپۋبليكانىڭ وڭتۇستىگى مەن وڭتۇستىك-شىعىسىنىڭ تاۋلى ايماقتارىندا نايزاعاي ويناپ، جەل كۇشەيەدى، بۇرشاق جاۋۋى مۇمكىن. وڭتۇستىك-باتىستا، وڭتۇستىكتە شاڭدى داۋىل كۇتىلەدى" دەلىنگەن اقپاراتتىق حابارلامادا.
رەسپۋبليكانىڭ باتىسىندا، سولتۇستىك-باتىسىندا اۋا تەمپەراتۋراسى كۇندىز 22-30-دان 17-26-عا دەيىن تومەندەسە، وڭتۇستىك-باتىستا 25-35-كە دەيىن جوعارىلايدى. سولتۇستىكتە 20-28-دەن 25-30-عا دەيىن اۋىتقيدى، شىعىستا 28-37-دەن 24-33-كە دەيىن تومەندەيدى. ورتالىقتا 22-30-دان 27-32-گە دەيىن كوتەرىلسە، ال وڭتۇستىك وڭىرلەرىندە 25-35-تەن 20-30-عا دەيىن تومەندەيدى دجەپ كۇتىلىپ وتىر.
پىكىر قالدىرۋ