سىرتقى ىستەر ءمينيسترى مۇحتار تىلەۋبەردى نۇرسۇلتان نازاربايەۆ پەن ۆلاديمير ءپۋتيننىڭ نە سەبەپتى كەزدەسكەنىن بىلمەيتىنىن ايتتى، دەپ جازادى orda.kz.
ۇكىمەت كۋلۋارىندا مينيستر جۋرناليستەردىڭ نازاربايەۆتىڭ رەسەيگە ساپارى تۋرالى قويعان سۇراقتارىنا تۇشىمدى ەشتەڭە ايتا الماعان.
– مەنىڭ كەزدەسۋ تۋرالى حابارىم جوق. الايدا ەكى ساياساتكەردىڭ كەزدەسۋىنەن ەشقانداي ابەستىك كورىپ تۇرعانىم جوق"، – دەدىمينيستر.
ءسىم نازاربايەۆتىڭ رەسەيگە ساپارىنا جاۋاپتى بولماعان.
– الداعى ساپار جايلى سىرتقى ىستەر مينيسترلىگىنە ەسكەرتۋدىڭ قاجەتى جوق. بۇل تىكەلەي تۇڭعىش پرەزيدەنتتىڭ كەڭسەسى مەن رەسەي پرەزيدەنتى اكىمشىلىگىمەن كەلىسىلەدى. رەسەي پرەزيدەنتىمەن كەزدەسۋگە تىيىم سالىنعان جوق. ونىڭ ۇستىنە، ەكەۋى بۇرىننان كەلە جاتقان دوستار"، – دەدى تلەۋبەردى.
13 ماۋسىمدا ەكس-پرەزيدەنت نۇرسۇلتان نازاربايەۆ رەسەي پرەزيدەنتى ۆلاديمير پۋتينمەن كەزدەسكەن. ەلباسى سايتى ەكس-پرەزيدەنتتىڭ ساپارى تۋرالى نازاربايەۆ ءپۋتيندى رەسەي كۇنىمەن قۇتتىقتادى دەپ قىسقا اقپارات تاراتۋمەن شەكتەلدى.
پىكىر قالدىرۋ