قازگيدرومەت 25-27 ماۋسىمعا ارنالعان اۋا رايى بولجامىن جاريالادى.
سينوپتيكتەردىڭ بولجامىنشا، سولتۇستىك-باتىس سيكلونىنىڭ تەرەڭ جىراسى جانە ونىمەن بايلانىستى ءفرونتالدى بۇلتتى القاپتار وزىمەن بىرگە قىسقا مەرزىمدى جاڭبىر، نايزاعاي، قاتتى جەل مەن بۇرشاق الا كەلەدى.
"تەك ەلىمىزدىڭ باتىس جانە سولتۇستىك-باتىس وڭىرلەرى عانا سكانديناۆيالىق انتيسيكلون جوتاسىنىڭ اسەرىن سەزىنەدى. سولايشا بۇلتتاردىڭ سانى ازايىپ، جاڭبىر توقتايدى. وڭتۇستىكتە شاڭدى داۋىل كۇتىلەدى" دەلىنگەن اقپاراتتىق حابارلامادا.
اۋا تەمپەراتۋراسىنىڭ نەگىزگى اياسى كۇندىز باتىستا +25+35°س، سولتۇستىكتە +25+33°س، ورتالىقتا +30+37°س، شىعىستا +27+37°س، وڭتۇستىكتە +40+45°س بولادى دەپ بولجانىپ وتىر.
پىكىر قالدىرۋ