شىعىس قازاقستان وبلىسىنىڭ پروكۋراتۋراسىندا زاڭدىلىقتى، قۇقىقتىق ءتارتىپتى جانە قىلمىسقا قارسى كۇرەستى قامتاماسىز ەتۋ جونىندەگى ۇيلەستىرۋ كەڭەسىنىڭ وتىرىسى ءوتتءى. وندا كامەلەتكە تولماعاندار اراسىنداعى سۋيسيد ماسەلەلەرى جانە مەملەكەتتىك ورگانداردىڭ ولاردىڭ الدىن الۋ بويىنشا قابىلداعان شارالارىنىڭ تيىمدىلىگى تالقىلاندى، دەپ حابارلادى شىعىس قازاقستان وبلىسىنىڭ باس پروكۋراتۋراسىنىڭ باسپا ءسوز قىزمەتى.

وتىرىسقا وبلىس اكىمىنىڭ ورىنباسارى ا.مۇحامەدچينوۆ، دەنساۋلىق ساقتاۋ، پوليسيا ورگاندارىنىڭ باسشىلارى، وبلىس ورتالىعىنىڭ اۋماعىندا ورنالاسقان مەكتەپتەر مەن كوللەدجدەردىڭ ديرەكتورلارى قاتىستى.

وبلىس پروكۋرورى ا.بايشولاقوۆ وتىرىستى اشا وتىرىپ، سوڭعى جىلدارى بالالاردىڭ وزىنە قولجۇمساۋ ماسەلەسى جالپى ەل ءۇشىن دە، شىعىس قازاقستانءۇشىن دە وزەكتى بولىپ وتىرعانىن ايتتى.

5 ايدا 3 سۋيسيد جانە وعان 11 ارەكەت تىركەلگەن. 2022 جىلى تومەندەۋ ديناميكاسىنا قاراماستان، جاعداي ۇلكەن الاڭداۋشىلىق تۋدىرادى.

ءوز بايانداماسىندا وبلىس پروكۋرورىنىڭ ورىنباسارى ا.ن.تىلەشيەۆ كوپ جاعدايدا ءسۋيسيدتى 15-19 جاس ارالىعىنداعى جاسوسپىرىمدەر جانە كوبىنەسە قىزدار جاسايتىنىنا نازار اۋداردى. سەبەپتەرى ءارتۇرلءى - وتباسىنداعى جانجال، باسقالارمەن پروبلەمالار، ورىنسىز ماحاببات جانە ت.ب. جاساۋ ادىستەرى دە ءارتۇرلى، ءبىراق، ادەتتە، بۇل دارى-دارمەكتەردى قولدانۋ، دەنەگە زيان كەلتىرۋ جانە اسىلىپ ءولۋ.

اياقتالعان سۋيسيدتەر سانى بويىنشا سەمەي، كۋرچاتوۆ قالالارى جانە اياگوز اۋدانى، وسكەمەن، سەمەي جانە ريددەر قالالارى الدا. جالپى وبلىس بويىنشا بارلىق سۋيسيدتەر مەن ارەكەتتەردىڭ جارتىسىنان كوبىن تولىق جانە قولايلى وتباسىلاردان شىققان بالالار مەن ءجاسوسپىرىمدەر جاساعان.   

ماسەلەن، وبلىس مەكتەپتەرىندە شتاتتىق پسيحولوگتاردىڭ جەتىسپەۋشىلىگى بايقالادى، سونىمەن قاتار ولاردىڭ كەيبىر جاعدايلاردا جۇرگىزىپ جاتقان جۇمىستارى ءۇستىرت سيپاتقا يە، دياگنوستيكانىڭ قولدانىستاعى ادىستەمەلەرى جەتىلدىرىلمەيدى.

بالالار مەن ءجاسوسپىرىمدەر اراسىندا ءسۋيسيدتى ناسيحاتتاۋ بەلگىلەرى بار ينتەرنەت سىلتەمەلەر مەن سايتتاردى بۇعاتتاۋ شارالارىن انىقتاۋ جانە قابىلداۋ بولىگىندە پوليسيا ورگاندارى تاراپىنان جۇمىستىڭ جەتكىلىكسىزدىگى دە اتاپ ءوتىلدى.

وبلىستىق ءبىلىم، دەنساۋلىق ساقتاۋ باسقارمالارىنىڭ، پوليسيا دەپارتامەنتىنىڭ باسشىلىعى دا قارالىپ جاتقان ماسەلەنىڭ ماڭىزدىلىعىن اتاپ ءوتىپ، ءوز تاراپىنان بىرلەسكەن كۇش-جىگەرمەن ونى شەشۋگە دايىندىعىن ءبىلدىردى. وتىرىسقا قاتىسقان وبلىس اكىمىنىڭ ورىنباسارى ا.مۇحامەدچينوۆ بالالار مەن جاسوسپىرىمدەردىڭ سۋيسيدتەرىنىڭ الدىن الۋعا باعىتتالعان قوسىمشا شارالار قابىلداۋ قاجەتتىگى تۋرالى ايتتى.

وتىرىس قورىتىندىسى بويىنشا ۇيلەستىرۋ كەڭەسى جەرگىلىكتى اتقارۋشى ورگان مەن وبلىستىڭ ءبىلىم بەرۋ ورگانىنا بءىلىم مينيسترلىگىنە مەكتەپتەردە جۇمىس ىستەيتىن پسيحولوگتاردىڭ سانىن بەلگىلەيتىن ۇلگىلىك قاعيدالاردى وزگەرتۋ تۋرالى ۇسىنىستار ەنگىزۋدى، دەنساۋلىق ساقتاۋ باسقارماسىمەن جانە كلينيكالىق پسيحولوگيا مەن پسيحياتريا سالاسىندا پراكتيكالىق تاجىريبەسى بار ماماندارمەن تاجىريبە الماسۋدى جولعا قويۋدى ۇسىندى. سونداي-اق، ءبىلءىم باسقارماسى مەن مەكتەپ ديرەكتورلارىنا مەكتەپ پسيحولوگتارىنىڭ جۇمىسىن ۇيىمداستىرۋدى قايتا قاراۋ جانە باقىلاۋدى كۇشەيتۋ ۇسىنىلدى. پوليسيا دەپارتامەنتىنىڭ الدىنا كامەلەتكە تولماعانداردىڭ وزىنە قول جۇمساۋىنا ۇگىت-ناسيحات جانە شاقىرۋ بەلگىلەرى بار ينتەرنەتتى وقشاۋلاۋ شارالارىن انىقتاۋ جانە قابىلداۋ مىندەتتەرى قويىلدى.