اقمولا وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ ۇكىمىمەن اۋىل شارۋاشىلىعى باسقارماسىنىڭ باسشىسى ديماش تالاسبايەۆ 10 جىلعا باس بوستاندىعىنان ايىرىلدى. بۇل تۋرالى سىبايلاس جەمقورلىققا قارسى قىزمەت حابارلادى.
"ول 2020 جىلى سەرىكتەستىكتەرىن كوكتەمگى-كۇزگى دالا جۇمىستارىن جۇرگىزۋ ءۇشىن وبلىستىڭ اۋىل شارۋاشىلىعى تاۋار وندىرۋشىلەرى ءۇشىن كەپىلدىك بەرىلگەن ارزانداتىلعان ديزەل وتىنىن جەتكىزۋ جونىندەگى وپەراتور رەتىندە ايقىنداۋعا جاردەم كورسەتكەنى جانە جالپى قامقورلىعى ءۇشىن كوممەرسيالىق ۇيىم وكىلدەرىنەن كەلىسىلگەن 30 000 000 تەڭگەدەن 13 847 430 تەڭگە سوماسىندا اسا ءىرى مولشەردە پارا العانى ءۇشىن كىنالى دەپ تانىلدى. ۇكىمدى جاريا ەتۋ وبلىستىق اۋىل شارۋاشىلىعى جانە جەر قاتىناستارى باسقارماسى ۇجىمىنىڭ قاتىسۋىمەن ءوتتى" دەلىنگەن انتيكور مالىمدەمەسىندە.
ديماش تالاسبايەۆكە سونداي-اق مەملەكەتتىك قىزمەتتە جانە كۆازيمەملەكەتتىك سەكتوردا قىزمەت اتقارۋعا ءومىر بويىنا تىيىم سالىندى.
پىكىر قالدىرۋ