2022 جىلعى ماۋسىمدا ازىق-تۇلىك تاۋارلارىنىڭ باعاسى وتكەن جىلعى ماۋسىممەن سالىستىرعاندا 19،2%-عا ءوستى. ءمۇنداي دەرەكتەردى ۇلتتىق ستاتيستيكا بيۋروسى كەلتىرىپ وتىر.
قانت بىلتىرعى سايكەس كەزەڭگە قاراعاندا 78،7%-عا، قىرىققابات 72،4%، پياز 69،3%-عا قىمباتتاعان. كارتوپ باعاسى 9،8% تومەندەگەن.
|
باعانىڭ ءوسۋى (ماۋسىم 2021ج.-ماۋسىم 2022ج.، ءوسىم، پايىزبەن) |
|
|
78،7% قۇمشەكەر |
22،8% قىشقىل ءسۇت ونىمدەرى |
|
72،4% قىرىققابات |
21،9% مينەرالدى جانە اس سۋ |
|
69،3% باستى پياز |
20،7% كونديتەرلىك ونىمدەر |
|
33،1% ۇن |
19،1% سالقىنداتىلعان سۋسىندار |
|
30،1% ماكارون ونىمدەرى |
18،5% تەمەكى ونىمدەرى |
|
29،7% قۇس ەتى |
17،3% نان |
|
28،5% جارمالار |
16،8% جىلقى ەتى |
|
26،0% قاتتى ىرىمشىك |
16،3% شۇجىق ونىمدەرى |
|
25،4% توقاش جانە ۇن ونىمدەرى |
15،9% سارى ماي |
|
25،3% جاڭا پىسكەن جەمىستەر |
14،9% قوي ەتى |
|
23،5% كەپتىرىلگەن جەمىستەر مەن جاڭعاقتار |
14،7% كۇنباعىس مايى |
ازىق-تۇلىككە جاتپايتىن تاۋارلاردىڭ باعا ءوسىمى ءبىر جىلدا 13،2%-دى قۇراعان. جۋۋ جانە تازالاۋ زاتتارى – 20،8%، تۇرمىس قۇرالدارى – 19،7%، قۇرىلىس ماتەريالدارى – 18،6%، جيھاز جانە ۇيگە قاجەتتى زاتتار – 18،2%، اۆتوموبيلدەر – 15،1%، ىدىس-اياق – 13،9%، توقىما بۇيىمدارى – 10،8%، فارماسيەۆتيكالىق ونىمدەر 9% قىمباتتاعان.
ءبىر جىلدا اقىلى قىزمەتتەر باعاسى 9،2% وسكەن.
باعا دەڭگەيى قوعامدىق تاماقتاندىرۋ قىزمەتتەرىندە – 15،9%، دەنساۋلىق ساقتاۋ قىزمەتتەرىندە – 14،7%، ساناتوريي قىزمەتتەرىندە – 13،7%، كەشەندى دەمالۋ ۇيىمدارىندا – 13،2%، شاشتارازدار بەن جەكە قىزمەت كورسەتۋ ورىندارى قىزمەتتەرىندە – 12%، قوناق ءۇي قىزمەتتەرىندە 5،7% وسكەن. جولاۋشىلار كولىگى قىزمەتتەرى 4%-عا قىمباتتاعان.
قىمباتشىلىق تۇرعىن ۇي-كوممۋنالدىق قىزمەتتەر سالاسىندا دا بايقالعان. ەلەكتر قۋاتى ءتاريفى – 7،5%، قوقىس شىعارۋ – 2%، تاراتۋ جەلىلەرى ارقىلى تاسىمالداناتىن گاز ءتاريفى 1،4% جوعارىلاسا، ال ورتالىقتان جىلىتۋ ءتاريفى – 2،3% جانە ىستىق سۋ ءتاريفى 0،9% تومەندەگەن.
پىكىر قالدىرۋ