رەسەيدىڭ كراسنودار سوتى نوۆوروسسيا اۋداندىق سوتىنىڭ كاسپيي قۇبىر كونسورسيۋمى جەلىسىنىڭ جۇمىسىن توقتاتۋ تۋرالى شەشىمىن وزگەرتتى، دەپ جازادى كقك باسپا ءسوز قىزمەتى.
باسپا ءسوز حابارلاماسىندا قۇبىر جەلىسى زاڭ بۇزۋشىلىق ءۇشىن ايىپپۇل تولەپ، جۇمىسىن جالعاستىرا بەرەتىنى ايتىلعان.
"كقك روسترانسنادزوروم انىقتاعان بۇزۋشىلىقتاردى رەتتەۋ ءۇشىن كومپانيا قىزمەتىن ءبىر ايعا توقتاتۋ تۋرالى سوت شەشىمىنە شاعىمداندى. كقك – قازاقستان مۇنايىن ەكسپورتتايتىن نەگىزگى مارشرۋت. ول بويىنشا جىلىنا 67 ملن توننا "قارا التىن" اينالىپ جاتىر. كومپانيا تىيىمدى الىپ تاستاۋعا شاعىمدى 6 شىلدەدە جىبەردى. اپپەلياسيايالىق سوت اۋداندىق سوت شەشىمىن وزگەرتىپ، كقك-گە 200 000 رۋبل (شامامەن 1،5 ميلليون تەڭگە) مولشەرىندە اكىمشىلىك ايىپپۇل تۇرىندە جازا تايىندادى. قاۋلى كۇشىنە ەندى" دەلىنگەن سوت حابارلاماسىندا.
كقك زاڭ بۇزۋشىلىقتار مەيلىنشە قىسقا ۋاقىتتا رەتتەلەتىنىن ءمالىم ەتكەن.
