ەۋرووداق قازاقستاننان شىعارىلعان اكتيۆتەردى قايتارۋعا كومەكتەسۋگە دايىن. بۇل تۋرالى سىبايلاس جەمقورلىققا قارسى ءىس-قيمىل اگەنتتىگى ءمالىم ەتتى.
ۆندومستۆو باسپا ءسوز قىزمەتىنىڭ اقپاراتىنشا، اگەنتتىك ءتوراعاسى ولجاس بەكتەنوۆ ورتالىق ازيا بويىنشا ارنايى وكىل تەري حاكال باستاعان ەۋرووداق دەلەگاسياسىمەن كەزدەسكەن. كەزدەسۋ بارىسىندا انتيكور باسشىسى 2022-2026 جىلدارعا ارنالعان سىبايلاس جەمقورلىققا قارسى ساياسات تۇجىرىمداماسىنىڭ نەگىزگى باعىتتارىمەن تانىستىرعان.
"اتاپ ايتقاندا، تاراپتار زاڭسىز بايۋ ءۇشىن زاڭنامالىق جاۋاپكەرشىلىكتى ەنگىزۋ جانە كىرىستەر مەن شىعىستاردى جالپىعا بىردەي دەكلاراسيالاۋ ماسەلەلەرىن تالقىلادى. بيزنەستى قورعاۋ ماسەلەلەرى دە تالقىلاندى. ەۋروپالىق ارىپتەستەر ەلدىڭ سىبايلاس جەمقورلىققا قارسى ساياساتىنىڭ ەكپىنىن وڭ باعالاپ، گرەكونىڭ حالىقارالىق سىبايلاس جەمقورلىققا قارسى ستاندارتتارى مەن وزىق تاجىريبەلەرىنە سايكەستىگىنە ۇمتىلىسىن اتاپ ءوتتى. دامۋدىڭ ماڭىزدى ۆەكتورى قازاقستاننىڭ سىبايلاس جەمقورلىق ءۇشىن قىلمىستىق جاۋاپكەرشىلىك تۋرالى ەۋروپا كەڭەسىنىڭ كونۆەنسياسىنا قوسىلۋعا دايىندىعى اتاپ ءوتىلدى.ءتيىستى شاقىرۋ اعىمداعى جىلدىڭ 1 شىلدەسىندە كەلىپ ءتۇستى" دەلىنگەن اقپاراتتىق حابارلامادا.
تەري حاكال ەۋرووداق ءوز تاراپىنان قازاقستاننان ەۋروپاعا شىعارىلعان اكتيۆتەردى قايتارۋ تۋرالى سۇرانىستارعا قولداۋ كورسەتۋگە دايىن ەكەنىن جەتكىزگەن.
سونداي-اق اقپاراتتىق حابارلامادا پىكىرتالاستىڭ جەكە تاقىرىبى قاڭتار وقيعالارىنا بايلانىستى ازاپتاۋ تۋرالى مالىمدەمەلەرگە قاتىستى ىستەردى تەرگەۋگە ارنالعانى، قازىرگى ۋاقىتتا 171 ءىس اياقتالىپ، 177 ءىس بويىنشا تەرگەۋ جالعاسىپ جاتقانى ايتىلعان.
پىكىر قالدىرۋ