ۋكراينا پرەزيدەنتى ۆلاديمير زەلەنسكيي ەلدەگى قاۋىپسىزدىك قىزمەتى باسشىسى مەن باس پروكۋروردى ۆەدومستۆولارداعى مەملەكەتتىك وپاسىزدىق دەرەكتەرى جيىلەپ كەتۋىنە بايلانىستى قىزمەتىنەن قۋدى، دەپ جازادى ۆۆس.
زەلەنسكييدىڭ سوزىنشە، بۇرىنعى 60-تان استام قىزمەتكەر رەسەي باسىپ العان جەرلەردە ۋكرايناعا قارسى جۇمىس ىستەپ جاتىر. قازىرگى ۋاقىتتا اۋىزجالاستى، مەملەكەتكە وپاسىزدىق جاسادى دەگەن كۇدىكپەن قۇقىققورعاۋ ورگانى قىزمەتكەرلەرىنىڭ ۇستىنەن 651 ءىس قوزعالعان.
قىزمەتتەن قۋىلعان شەنەۋنىكتەر يۆان باكانوۆ پەن يرينا ۆەنەديكتوۆا جاعداي جايلى ازىرگە جاق اشقان جوق.
"رەسەي فەدەراسياسى مۇددەسى ءۇشىن ارەكەت ەتكەن قىلمىستىق توپ قۇرامىنا كىرگەندەردىڭ ءبارى جاۋاپكەرشىلىككە تارتىلادى. ولار جاۋعا قۇپيا اقپارات بەرىپ، رەسەيلىك ارنايى قىزمەتپەن وزگە دە ارىپتەستىككە بارعان" دەيدى زەلەنسكيي.
سونداي-اق بازاسى حەرسون قالاسىندا ورنالاسقان بارلاۋ قىزمەتىنىڭ جوعارى لاۋازىمدى شەنەۋنىكتەرى دە كۇدىككە ىلىنگەنى بەلگىلى بولدى.
پىكىر قالدىرۋ