ۇلىبريتانيادا سوڭعى 12 اپتادا بالىق ساتىلىمى 12 پايىزعا، سيىر ەتى 14 پايىزعا، قوي ەتىنىڭ ساتىلىمى 24 پايىزعا تومەندەگەن، دەپ جازادى Daily Mail. باسىلىمى.

ەت باعاسى قالتانى قاعاتىندىقتان تۇرعىندار تاۋىق ەتىن ساتىپ الاتىن بولعان. 

"اقۋىز بار تاعامنىڭ ءبارى قىمباتتاپ جاتىر. بارىنەن قىمباتى – بالىق ەتى، ىزىنشە قوي ەتى قىمباتتاي تۇسكەن. قىمباتتاعانىنا قاراماستان، تاۋىق ەڭ قولجەتىمدى ەت بولىپ تۇر. ازىق-تۇلىك تاڭداعاندا قىمباتشىلىقتى باسقارۋ ءتاسىلى شەشۋشى فاكتورعا اينالعان" دەيدى ساراپشى گلەسني فيلليپس.

ساۋىرگە قاراي سۇيەگى بار سيىر ەتى كەلىسىنە 11،34 فۋنتكە (6300 تەڭگەگە جۋىق) دەيىن قىمباتتاعان. ال تاۋىق ەتى 3 فۋنتتان (1600 تەڭگە) ساتىلىپ جاتىر.

باسىلىم بريتانيالىق ۆەگاندار ورتاشاەسەپتى تۇرعىنعا قاراعاندا ازىق-تۇلىككە ەداۋىر كوپ جاراتاتىندىقتان، بالاما ديەتاعا ءوتۋ وتباسىلىق بيۋدجەتتى ۇنەمدەمەيتىنىن جازادى.