ورال قالاسىنداعى اينالما جولدا ءىرى جول اپاتى بولىپ، سالدارىنان سەگىز ادام كوز جۇمدى، ونىڭ ەكەۋى بالا. بۇل تۋرالى موي گورود پورتالى حابارلادى.

جول اپاتى 18 شىلدەدە 2:22-دە بولعان. Nissan اۆتوكولىگىنىڭ 32 جاستاعى جۇرگىزۋشىسى الدىنداعى كولىكتى باسىپ وزۋ كەزىندە قارسى جولاققا شىعىپ، Lada  كولىگىمەن سوقتىعىسقان. سوڭعىسىندا بەس ەرەسەك ادام، ەكى بالا وتىرعان.

Lada  اۆتوكولىگىندەگى بەس ادام جول-كولىك وقيعاسى ورنىندا بىردەن ءتىل تارتپاي كەتسە، "Nissan" جۇرگىزۋشىسى مەن 10 جانە 11 جاستاعى ەكى بالا اۋرۋحانادا كوز جۇمعان.

بقو پوليسيا دەپارتامەنتى جەرگىلىكتى پوليسيا قىزمەتى باسقارماسىنىڭ باسشىسى مەرحات اجەنوۆ Nissan اۆتوكولىگى رەسەيدە تىركەلگەنىن، جۇرگىزۋشىنىڭ كولىك جۇرگىزۋ تاجىريبەسى 2 جىل ەكەنىن حابارلادى.