پوليسيا گەنەرال-مايورى ارىستانعاني زاپپاروۆ الماتى قالاسى پوليسيا دەپارتامەنتىنىڭ باسشىسى بولىپ تاعايىندالدى. بۇل تۋرالى ءىىم باسپا ءسوز قىزمەتى حابارلادى.
ارىستانعاني زاپپاروۆ 1969 جىلى تۋعان. 1993 جىلدان بەرى ىشكى ىستەر ورگاندارىندا قىزمەت ەتىپ كەلەدى. ءبىرقاتار لاۋازىمدى قىزمەتتەر اتقارعان. 2019-2022 جىلدارى ىشكى ىستەر ءمينيسترىنىڭ ورىنباسارى بولسا، قاڭتار وقيعاسىنان كەيىن الماتى وبلىسى پوليسيا دەپارتامەنتىن باسقارعان.
الماتى پوليسيا دەپارتامەنتىنىڭ بۇرىنعى باسشىسى قانات تايمەردەنوۆ ماۋسىمنىڭ سوڭىندا قىزمەتىنەن كەتكەنى، ارتىنشا ءىىم ەكسترەميزممەن كۇرەس دەپارتامەنتىنىڭ باسشىسى بولىپ تاعايىندالعانى حابارلانعان.
پىكىر قالدىرۋ