بۇقارالىق اقپارات قۇرالدارىندا جاقىندا 70 جاسقا تولاتىن رەسەي پرەزيدەنتى ۆلاديمير پۋتين اۋىر سىرقاتقا شالدىققانى تۋرالى راستالماعان اقپارات كوپتەپ تارالىپ ءجۇر. الايدا اقش ورتالىق بارلاۋ باسقارماسىنىڭ باسشىسى ۋيليام بەرنس اقپاراتتى راستايتىنداي ەشقانداي بارلاۋ دەرەگى جوق ەكەنىن ايتادى.

"ءپۋتيننىڭ دەنساۋلىعى تۋرالى قاڭقۋ ءسوز كوپ. ءبىراق ءبىزدىڭ بىلۋىمىزشە، ول – ساپ-ساۋ" دەدى بەرنس كولورادودا وتكەن قاۋىپسىزدىك فورۋمىندا.

رەسەيدە ەلشى بولىپ ىستەگەن بەرنستىڭ ايتۋىنشا، پۋتين مەملەكەت باسشىسى رەتىندە رەسەيدى قايتادان ۇلى دەرجاۆاعا اينالدىرۋدى ءوزىنىڭ تاعدىرىنا بالايدى.

– پۋتين ماقساتىنا كورشى ەلدەرگە ىقپالىن كۇشەيتۋ ارقىلى جەتكىسى كەلەدى. ۋكراينانى باقىلاۋىنا الۋعا تىرىسۋ، سول دىتتەگەنىنە جەتۋدىڭ ءبىر امالى دەپ باعالايدى، –  دەيدى ول.

بەرنس اقش بارلاۋ دەرەكتەرىنىڭ نەگىزىندە رەسەيدىڭ ۋكرايناعا باسىپ كىرۋ تۋرالى جوسپارىن الدىن الا بىلگەنىن، 2021 جىلعى قاراشادا ماسكەۋدە بولىپ، پۋتينگە ۋكرايناعا باسىپ كىرۋدىڭ سالدارى اۋىر بولاتىنىن ەسكەرتكەنىن ايتتى. الايدا ول ءپۋتيننىڭ بەرگەن جاۋابى ونى قاتتى الاڭداتقانىن جەتكىزدى. ونىڭ سوزىنشە، ءپۋتيننىڭ جوسپارى قاتە پايىم مەن شىندىقتان الشاق، اسىرەسە ۋكراينانىڭ قارسىلاسۋعا دەگەن ەرىك جىگەرىن جەتە باعالاماعان كوزقاراسقا قۇرىلعان.

دەرەككوز: ۆۆس