2022 جىلعى 1 ماۋسىمداعى جاعداي بويىنشا قازاقستانداعى حالىق سانى 19 ميلليون 222،6 مىڭ ادامعا جەتتى. بۇل تۋرالى ستاتيستيكا بيۋروسى ءمالىم ەتتى.

قالالىقتاردىڭ ۇلەسى –11 ملن 460،5 مىڭ (59،6%)، اۋىلدىقتار – 7 ملن 762،1 مىڭ (40،4%). 2021 جىلعى 1  ماۋسىممەن سالىستىرعاندا حالىق سانى 237،8 مىڭ ادامعا نەمەسە 1،23 پايىزعا وسكەن.

ستاتيستيكا بيۋروسىنىڭ مالىمەتىنشە، 2022 جىلعى قاڭتار-مامىردا رەسپۋبليكا حالقىنىڭ تابيعي ءوسىمى 2021 جىلعى قاڭتار-مامىرمەن (111،5 مىڭ ادام) سالىستىرعاندا 7،6 پايىزعا كەمىپ، 103،3 مىڭ ادامدى قۇراعان.

قاڭتار-مامىردا 161،5 مىڭ ءسابي دۇنيەگە كەلگەن، بۇل – بىلتىرعى سايكەس كەزەڭگە (175،2 مىڭ ادام) قاراعاندا 7،8% از.

جىل باسىنان مامىرعا دەيىن 58،5 مىڭ ادام قايتىس بولعان. بۇل – 2021 جىلعى قاڭتار-مامىرعا (63،7 مىڭ ادام) قاراعاندا 8،2 پايىزعا كەم.

ەسەپكە الىنعان كەزەڭدە 1384 نارەستە 1 جاسقا دەيىن شەتىنەگەن. 2021 جىلعى ءتيىستى كەزەڭمەن سالىستىرعاندا كورسەتكىش (1423 شەتىنەگەن نارەستە) 2،7 پايىزعا كەمىگەن. 

كوشى-قون قىزمەتى ورگاندارى ۇسىنعان مالىمەتتەردە 2022 جىلعى قاڭتار-مامىردا ەلىمىزگە تۇرعىلىقتى تۇرۋعا كەلگەندەردىڭ سانى 6 227 ادامدى، ەلىمىزدەن كەتكەندەردىڭ سانى 9 034 ادامدى، كوشى-قون ايىرىمى  2 807 ادامدى قۇراعانى ايتىلادى.

نەگىزگى كوشى-قون پروسەسى تمد مەملەكەتتەرىمەن بايلانىستى. تمد ەلدەرىنەن كەلگەندەر جانە سول ەلدەرگە كەتكەندەر كوشىپ-قونۋشىلار جالپى سانىنىڭ 85،1% جانە 81% پايىزىنا تەڭ.