قارجىلىق مونيتورينگ اگەنتتىگى ەلوردالىق دەپارتامەنتى "World Business Consulting" قارجى پيراميداسىن قۇرۋ جانە باسقارۋ فاكتىسى بويىنشا قىلمىستىق ءىستى تەرگەپ جاتقانىن حابارلادى.
"تەرگەۋ ورگانى قالانىڭ سەنگىش تۇرعىندارىمەن ءتۇرلى سيپاتتاعى ينۆەستيسيالىق باعدارلاما كەلىسىمدەرىن جاساپ، ويدان شىعارىلعان ينۆەستيسيالىق جوبالارعا قاراجات سالۋدى ۇسىنعان تۇلعالاردى انىقتادى. بۇل ۇيىم ءوزىن پورتفەلدىك ينۆەستيسيا جانە قارجىلىق كەڭەس ۇسىناتىن حالىقارالىق قارجىلىق جانە اناليتيكالىق كومپانيا رەتىندە كورسەتەدى. دەپارتامەنتتە قارجى پيراميداسىن قۇرۋ جانە باسقارۋ فاكتىسى بويىنشا قىلمىستىق ءىس تەرگەلۋدە" دەلىنگەن اقپاراتتىق حابارلامادى.
ماۋسىم سوڭىندا سوت "World Business Consulting" قارجى پيراميداسىنىڭ باسشىلارىن 8 ايدان 5، 6 جىلعا دەيىن باس بوستاندىعىنان ايىرۋ جازاسىن تاعايىنداعان. ولار 2018-2021 جىلدارى قارجى پيراميداسىنا 5،8 ملرد تەڭگە قارجىنى زاڭسىز تارتقان دەپ ايىپتالعان.
پىكىر قالدىرۋ