قازاقستان پرەزيدەنتى قاسىم-جومارت توقايەۆ مەككەدە كىشى قاجىلىق – ۋمرا جاسادى، دەپ حابارلادى پرەزيدەنتتىڭ باسپا ءسوز قىزمەتى.
"پرەزيدەنت ەرەكشە قۇرمەتكە يە بولدى – ول قاعبانىڭ ىشىنە كىردى. ونىڭ ەسىگى ەرەكشە جاعدايلاردا جوعارى مەيماندارعا عانا اشىلادى. بۇل ساۋد ارابياسى باسشىلىعىنىڭ قازاقستان كوشباسشىسىنا دەگەن قۇرمەتىنىڭ دالەلى بولدى" دەلىنگەن اقوردا باسپا ءسوز قىزمەتىنىڭ حابارلاماسىندا.
قاسىم-جومارت توقايەۆ 23 شىلدەدە ساۋد ارابياسىنىڭ كورولى سالمان بەن ابدەلازيز ءال ساۋدتىڭ شاقىرۋىمەن دجيددا قالاسىنا رەسمي ساپارمەن بارعان.
