وڭتۇستىك كورەياعا جۇمىسقا تۇرعىزامىن دەپ الماتىلىقتاردى 2 ملن تەڭگەگە الداپ كەتكەن ەر ادام ۇستالدى، – دەپ حابارلادى ىشكى ىستەر مينيسترلىگىنىڭ ينتەرنەت-رەسۋرسى.

27 جاستاعى س.ەسىمدى ازاماتتىڭ ىس-ارەكەتى ەكى جانە ودان دا كوپ ادامعا قاتىستى الداۋ جانە سەنىمگە قيانات جاساۋ ارقىلى بوتەننىڭ مۇلكىن بىرنەشە رەت ۇرلاۋ رەتىندە كۆاليفيكاسيالانعان.

– قازىرگى تاڭدا سوتقا دەيىنگى تەرگەۋدىڭ ءبىرىڭعاي تىزىلىمىنە الاياقتىق بويىنشا 2 دەرەك تىركەلدى. ولار ءبىر وندىرىسكە بىرىكتىرىلگەن. كۇدىكتى ينتەرنەت-رەسۋرس ارقىلى ادامداردى الداعان. ول وڭتۇستىك كورەياعا جۇمىسقا ورنالاسۋعا جانە جۇمىس ۆيزاسىن الۋعا كومەكتەسۋ تۋرالى جالعان حابارلاندىرۋلار ورنالاستىرعان. اقشانى العاننان كەيىن ەر ادام جاسىرىنىپ قالعان. ق ر قك-نىڭ 190-بابى 3-بولىگىنىڭ 3-تارماعى، ق ر قك-نىڭ 190-بابى 3-بولىگىنىڭ 4-تارماعىنا (الاياقتىق) سايكەس قىلمىس جاسادى دەگەن كۇدىك بويىنشا جەدەل-ىزدەستىرۋ ءىس-شارالارىن جۇرگىزۋ بارىسىندا س.ەسىمدى ازامات ۇستالدى. ول ق ر قپك-نىڭ 128-بابىنا سايكەس قاماۋعا الىندى، – دەدى جەتىسۋ اۋداندىق پوليسيا باسقارماسىنىڭ باستىعى دارحان مۇسانوۆ.

پوليسيا تەرگەۋ قاجەتتىگى ءۇشىن س. ەسىمدى ازاماتتىڭ قىلمىستىق ارەكەتتەرىنەن زارداپ شەككەن ازاماتتار بولسا، تومەندەگى تەلەفوندار ارقىلى حابارلاسۋلارىن سۇرايدى:

+7-778-879-78-88؛ + 7-702-401-11-10.