ۇلتتىق قاۋىپسىزدىك كوميتەتى نۇر-سۇلتان قالاسى بويىنشا دەپارتامەنتى اسا ءىرى كولەمدەگى پسيحوتروپتى زاتتاردى ساتۋعا قاتىسى بار كۇدىكتى "ا" ەسىمدى ەلوردالىق تۇرعىندى ۇستاعانىن حابارلادى.
"پروسەسسۋالدىق ءىس-شارا بارىسىندا زاڭسىز اينالىمنان 1،5 كگ "مەفەدرون"، 1،4 كگ "الفا-PVP" جانە 659 تابلەتكا مدما ("ەكستازي" دەپ ايتىلاتىن) تاركىلەندى. تەرگەۋ ەسىرتكىنى استانامىزدىڭ ورتالىعىندا جالدامالى پاتەردە وراپ، ينتەرنەت ونلاين الاڭى ارقىلى تۇراقتى تۇردە ساتىلعانىن انىقتادى. اتالعان فاكتى بويىنشا ق ر قك 297-بابى 3-بولىگى (ەسىرتكى، پسيحوتروپتىق زاتتاردى، سول تەكتەستەردى وتكىزۋ ماقساتىندا زاڭسىز دايىنداۋ، قايتا وڭدەۋ، يەمدەنۋ، ساقتاۋ، تاسىمالداۋ، جونەلتۋ نە وتكىزۋ) بويىنشا تەرگەۋ جۇرگىزىلۋدە، 15 جىلعا دەيىنگى مەرزىمگە باس بوستاندىعىنان ايىرۋ جازاسى قاراستىرىلعان" دەلىنگەن ۇقك باسپا ءسوز قىزمەتىنىڭ حابارلاماسىندا.
پىكىر قالدىرۋ