16 مامىردا الماتى قالاسىنداعى رەسپۋبليكالىق دوستىق ۇيىندە قازاقستان حالقى اسسامبلەياسىنان ق ر پارلامەنتى ءماجىلىسىنىڭ دەپۋتاتى ۆاكيل نابييەۆ قۇرامىنا قحا-نىڭ جاس مۇشەلەرى، ەتنومادەني بىرلەستىكتەردىڭ جاستارى، جوو جىك كوشباسشىلارى، ەرىكتىلەر جانە ت. ب. كىرەتىن الماتى قالاسى بويىنشا "اسسامبلەيا جاستارى" رقب وكىلدىگىنىڭ جاستارىمەن كەزدەستى، دەپ حابارلادى الماتى قالاسى "قوعامدىق كەلىسىم" مەكەمەسىنىڭ باسپا ءسوز قىزمەتى.

كەزدەسۋ الداعى رەفەرەندۋمعا جانە ق ر كونستيتۋسياسىنا ەنگىزىلەتىن تۇزەتۋلەردى تۇسىندىرۋگە ارنالدى.

دەپۋتاتپەن پىكىرتالاسقا بەلسەندى قاتىسىپ، ق ر كونستيتۋسياسىنا ەنگىزىلەتىن تۇزەتۋلەر مەن وزگەرىستەرگە قاتىستى كوپتەگەن سۇراقتار قويعان جاستار وسى ارقىلى ساياسي رەفورمالارعا دەگەن جوعارى قىزىعۋشىلىعىن كورسەتتى.

جيىن بارىسىندا اڭگىمە بىرتىندەپ ەلدىڭ بولاشاعى مەن جاڭا قازاقستاننىڭ قۇرىلىسىنا قاتىستى، ونىڭ قالىپتاسۋىندا جاستارعا قانداي ءرول بەرىلەتىنى تۋرالى نەعۇرلىم كەڭ تاقىرىپتارعا اۋىستى.

سونداي-اق اڭگىمە بارىسىندا پارلامەنت ءماجىلىسى دەپۋتاتتارىنىڭ ءبىلىم بەرۋ، مەديسينا، كاسىپكەرلىك، الەۋمەتتىك قىزمەتتەردى دامىتۋ، جاستاردى پاتريوتيزمگە تاربيەلەۋ، مەملەكەتتىك ءتىلدى ودان ءارى دامىتۋ، ازىق-تۇلىك باعاسىن رەتتەۋ، جاستاردىڭ باسەكەگە قابىلەتتىلىگى، سىبايلاس جەمقورلىققا قارسى مادەنيەت جانە ت.ب. باعىتتاعى جۇمىستارى تالقىلاندى.

كەزدەسۋگە قاتىسۋشىلار جەكەلەگەن قىزمەت سالالارىندا جاستاردى ودان ءارى دامىتۋ بويىنشا ءبىرقاتار ۇسىنىستار ەنگىزدى.