الماتى قالاسىنىڭ رەسپۋبليكالىق دوستىق ۇيىندە قازاقستان رەسپۋبليكاسى پرەزيدەنتى اكىمشىلىگى وكىلدەرىنىڭ قاتىسۋىمەن قحا كاسىپكەرلەر قاۋىمداستىعى مۇشەلەرىنىڭ وتىرىسى ءوتتى. ونىڭ شەڭبەرىندە قحا كاسىپكەرلەر قاۋىمداستىعىنىڭ قىزمەتىمەن تانىسۋ وتكىزىلىپ، كاسىپكەرلىك سالاسىنداعى وزەكتى ماسەلەلەر جانە ولاردى شەشۋدەگى قاۋىمداستىقتىڭ ءرولى تالقىلاندى.

قازاقستان رەسپۋبليكاسى پرەزيدەنتى اكىمشىلىگىنىڭ قازاقستان حالقى اسسامبلەياسى حاتشىلىعىنىڭ سەكتور مەڭگەرۋشىسى عالىمجان ماحان ءوز سوزىندە ەل كونستيتۋسياسىنا ەنگىزىلگەن وزگەرىستەر مەن تولىقتىرۋلاردى اتاپ ءوتتى.

"ەلىمىزدىڭ نەگىزگى زاڭىنىڭ 33 بابىنا 56 تۇزەتۋ ەنگىزىلدى. وزگەرىستەر كونستيتۋسيانىڭ تاعدىرشەشتى ءمانى بار باپتارىنىڭ ۇشتەن بىرىنە قاتىستى بولماق. ولار سۋپەرپرەزيدەنتتىك مودەلدەن پرەزيدەنتتىك رەسپۋبليكاعا تۇپكىلىكتى كوشۋ؛ ءبىرقاتار بيلىك وكىلەتتىكتەرىن قايتا ءبولۋ؛ پارلامەنتتىڭ ءرولىن كۇشەيتۋ جانە مارتەبەسىن ارتتىرۋ ءۇشىن قۇقىقتىق بازا جاسايدى؛ حالىقتىڭ ەلدى باسقارۋعا قاتىسۋىن كەڭەيتۋ؛ ازاماتتاردىڭ قۇقىقتارىن قورعاۋ تەتىكتەرىن كۇشەيتۋ" دەپ اتاپ ءوتتى ول.

قازاقستان حالقى اسسامبلەياسى كاسىپكەرلەر قاۋىمداستىعىنىڭ پرەزيدەنتى قايرات ايتباي اتاپ وتكەندەي، قاۋىمداستىق قىزمەتىنىڭ ءۇش باسىم باعىتتارىنىڭ ءبىرى: وكىلدىك ەتۋ، ونىڭ مۇشەلەرىنىڭ قۇقىقتارى مەن زاڭدى مۇددەلەرىن مەملەكەتتىك ورگانداردا قورعاۋ.

قاۋىمداستىق قىزمەتىنىڭ ەكىنشى ماڭىزدى باعىتى: قولدانىستاعى قۇقىقتىق بازانى تالداۋ جانە كاسىپكەرلىك سالاسىنداعى قازاقستاندىق زاڭنامانى جەتىلدىرۋ بويىنشا ەسەپتەر، ۇسىنىمدار دايىنداۋ.

قاۋىمداستىق وسى نورما شىعارۋ قىزمەتىنە بەلسەندى قاتىسۋعا جانە ءوزىنىڭ سىندارلى ۇسىنىستارىن ەنگىزۋگە نيەتتى.

"ءبىز قحا دەپۋتاتتىق كورپۋسىمەن، ۇكىمەتپەن جانە باسقا دا قۇرىلىمدارمەن تىعىز بايلانىستا بولامىز"، دەپ اتاپ ءوتتى قاۋىمداستىق مۇشەلەرى.

قاۋىمداستىق قىزمەتىنىڭ ءۇشىنشى باعىتى – قازاقستان ەتنوستارىنىڭ تاريحي شىعۋ ەلدەرىنەن شەتەلدىك ينۆەستيسيالاردى، تەحنولوگيالار مەن يننوۆاسيالاردى تارتۋ.

"اتالعان باستامانى جۇزەگە اسىرۋدى ءبىز قحا سەرىكتەس-شەتەلدىك دوستار كلۋبىن ىلگەرىلەتۋدەن كورەمىز، ول ىسكەرلىك بايلانىستاردىڭ دامۋىنا جانە ەلىمىزگە ينۆەستيسيالار تارتۋعا ىقپال ەتەر ەدى. كوپتەگەن ەتنومادەني بىرلەستىكتەردە بۇل جۇمىس ءساتتى جۇرگىزىلىپ جاتقانى بەلگىلى. ءبىراق، كەز-كەلگەن جۇمىستا بىرگە ىستەۋ كەرەك نارسەلەر بار" دەدى ءوز سوزىندە ق.ايتباي.

سونىمەن قاتار، قاۋىمداستىق "قازاقستان حالقى اسسامبلەياسى كاسىپكەرلەر قاۋىمداستىعىنىڭ جاستار قاناتىنا" باسا نازار اۋدارادى. بۇل باعىتتىڭ ماقساتى كاسىپكەرلەردىڭ جاس بۋىنىنىڭ يدەيالارى مەن باستامالارىن قولداۋ. جاستار قازاقستاننىڭ بارلىق ەتنوستارى اراسىنداعى ءوزارا قارىم-قاتىناستى دامىتۋدىڭ لوكوموتيۆىنە اينالادى دەگەن سەنىم بار.

جاس كاسىپكەر، قاۋىمداستىقتىڭ ۆيسە-پرەزيدەنتى ارمان بايەۆتىڭ باسشىلىعىمەن "ءبىر تەرەزە" رەجيمىندە يدەيالار، ۇسىنىستار مەن ۇسىنىمدار جيناۋ باستاماسى ىسكە قوسىلادى، ول تۋرالى ول ءوز سوزىندە ەگجەي-تەگجەيلى ايتىپ بەردى.

جيىن بارىسىندا قاتىسۋشىلار الداعى رەسپۋبليكالىق رەفەرەندۋمدى تالقىلادى. كونستيتۋسيادا قانداي وزگەرىستەر بولادى جانە بۇل بولاشاقتا بيزنەس سالاسىندا قالاي كورىنىس تاباتىنى تۋرالى ايتىلدى.

قازاقستان حالقى اسسامبلەياسى كاسىپكەرلەر قاۋىمداستىعىنىڭ ۆيسە-پرەزيدەنتى – ابدۋللا يسماتۋللايەۆ جانە قحا قاۋىمداستىعىنىڭ باسقا دا مۇشەلەرى ءوز يدەيالارى مەن ۇسىنىستارىن ءبىلدىردى.