ق ر بعم عك فيلوسوفيا، ساياساتتانۋ جانە ءدىنتانۋ ينستيتۋتى "قازاقستان رەسپۋبليكاسىنداعى ەتنوالەۋمەتتىك پروسەستەر: سىن-قاتەرلەر مەن شەشىمدەر" تاقىرىبىندا حالىقارالىق عىلىمي-پراكتيكالىق كونفەرەنسيا وتكىزدى.
وتاندىق عالىمدار مەن قوعام قايراتكەرلەرى-پراكتيكتەردىڭ بۇل فورۋمى "مونيتورينگ قازاقستان رەسپۋبليكاسىنداعى ەتنوالەۋمەتتىك ۇدەرىستەردىڭ ديناميكاسىن زەرتتەۋ جانە بولجاۋ ءادىسى رەتىندە" جوباسى اياسىندا ۇيىمداستىرىلدى جانە جالپىۇلتتىق سايكەستىكتى كونسترۋكسيالاۋداعى ەتنوالەۋمەتتىك ۇدەرىستەردىڭ ءرولىن تالداۋعا، مەملەكەتتىك ەتنوساياساتتىڭ الدىندا تۇرعان سىن-تەگەۋرىندەردى زەرتتەۋگە جانە قازاقستان ەتنوستارىنىڭ بىرلىگى مەن كەلىسىمىن نىعايتۋ بويىنشا عىلىمي-پراكتيكالىق ۇسىنىمدار ازىرلەۋگە ارنالعان.
كونفەرەنسيانىڭ ماقساتى – ەتنوساياسي مەنەدجمەنتتى وڭتايلاندىرۋ ارقىلى قازاقستان رەسپۋبليكاسىنداعى ەتنوسارالىق شيەلەنىستىڭ دەڭگەيىن تومەندەتۋگە جاردەمدەسۋ؛ ەتنوساياساتتىڭ تۇجىرىمدامالىق-پروبلەمالىق ءورىسىن، قازاقستاندىقتاردىڭ جاپپاي سانا-سەزىمىن، ءبىلىم بەرۋ ينستيتۋتتارىنىڭ، باق-تىڭ، قازاقستان حالقى اسسامبلەياسىنىڭ (قحا)، ەتنومادەني بىرلەستىكتەردىڭ (ەمب)، باسقارۋ/ءوزىن-وزى باسقارۋ ورگاندارىنىڭ، فاكتورلاردىڭ قىزمەتىن تالداۋ نەگىزىندە ەتنوالەۋمەتتىك پروسەستەر سەرپىنىنىڭ بولجامىن ازىرلەۋ ەتنوستاردىڭ قازاقستاندىق قوعامعا كىرىگۋى.
كونفەرەنسياعا بەلگىلى قازاقستاندىق جانە شەتەلدىك عالىمدار، ساياساتتانۋ، الەۋمەتتانۋ، تاريح جانە تاريحناما، ەتنومادەني ساياسات جانە ەتنوسارالىق قاتىناستار سالاسىنداعى ماماندار، قوعام قايراتكەرلەرى، جۋرناليستەر، قالالىق جانە رەسپۋبليكالىق ەتنومادەني بىرلەستىكتەردىڭ وكىلدەرى، قحا رەسپۋبليكالىق عىلىمي-ساراپشىلىق كەڭەسىنىڭ جانە الماتى قالاسى قازاقستان حالقى اسسامبلەياسىنىڭ عىلىمي-ساراپشىلىق توبىنىڭ مۇشەلەرى قاتىستى.
الماتى قالاسى "قوعامدىق كەلىسىم" مەكەمەسىنىڭ باسپا ءسوز قىزمەتى
پىكىر قالدىرۋ