الماتى قالاسىنىڭ دوستىق ۇيىندە ءماجىلىس دەپۋتاتى زاكىرجان پىرمۇحامەد ۇلى كۇزييەۆ پەن الماتى قالاسى قحا شىعارماشىلىق ۇجىمدارىنىڭ جەتەكشىلەرىنىڭ قاتىسۋىمەن وتىرىس ءوتتى. بۇل تۋرالى الماتى قالاسى "قوعامدىق كەلىسىم" مەكەمەسىنىڭ باسپا ءسوز قىزمەتى حابارلادى.
قازاقستان حالقى اسسامبلەياسىنىڭ شىعارماشىلىق ۇجىمدارى ەلىمىزدەگى ۇلتارالىق كەلىسىمدى دامىتۋ مەن نىعايتۋدا ماڭىزدى ءرول اتقارادى. قازاقستان حالقى اسسامبلەياسى وتكىزەتىن بارلىق شىعارماشىلىق ءىس-شارالارعا بەلسەندى قاتىسادى.
ءىس-شارا بارىسىندا دەپۋتات الداعى رەسپۋبليكالىق رەفەرەندۋم تۋرالى، ق ر كونستيتۋسياسىنا ەنگىزىلگەن بارلىق وزگەرىستەر مەن تولىقتىرۋلار تۋرالى ەگجەي-تەگجەيلى ءتۇسىندىردى.
زاكيرجان پىرمۇحامەد ۇلى كۋزييەۆ ءوز سوزىندە كونستيتۋسيانىڭ جاڭارۋى ىرگەلى سيپاتقا يە جانە ەلدىڭ ساياسي جۇيەسىن تۇبەگەيلى وزگەرتەتىنىن اتاپ ءوتتى.
– وسى شەشىمدەردى قابىلداۋ پروسەسىنە حالىقتىڭ قاتىسۋى ماڭىزدى ماسەلە . مەملەكەت باسشىسى ءوز سوزىندە رەفەرەندۋم «ەل تاعدىرىن شەشۋگە تىكەلەي قاتىسۋعا» جانە «جان-جاقتى دەموكراتيالاندىرۋ مەن جاڭا قازاقستاندى قۇرۋ باعىتىن نىعايتۋعا» مۇمكىندىك بەرەتىنىن اتاپ ءوتتى. رەفەرەندۋمنىڭ جاريالانۋى «حالىق ۇنىنە قۇلاق اساتىن مەملەكەت» تۇجىرىمداماسىنىڭ جارقىن كورىنىسى. رەفەرەندۋم جانە كونستيتۋسيانى وزگەرتۋ ارقىلى جاڭا قوعامدىق كەلىسىم جاسالادى دەپ ايتا الامىز. ادىلەتتىلىك قاعيداتى نەگىزىندە ءوزارا قارىم-قاتىناستىڭ جاڭا سيپاتى قالىپتاسادى، ويتكەنى جاڭا قازاقستان، پرەزيدەنت ايتقانداي، ادىلەتتى قازاقستان، – دەدى دەپۋتات.
سوڭىندا ول شىعارماشىلىق ۇجىمداردىڭ باسشىلارىن قازاقستان حالقى اسسامبلەياسىنىڭ جۇمىسىندا بەلسەندىلىك تانىتقانى ءۇشىن العىس حاتتارمەن ماراپاتتادى.
پىكىر قالدىرۋ