الماتى قالاسىنىڭ دوستىق ۇيىندە دەپۋتاتتار ز.پ. كۋزييەۆ پەن ا. م. حاميدوۆ الماتى قالاسى قازاقستان حالقى اسسامبلەياسىنىڭ جۋرناليستەر كلۋبىنىڭ وكىلدەرىمەن كەزدەستى.
قحا جانىنداعى ەتنوسارالىق قاتىناستار ماسەلەلەرى جونىندەگى جۋرناليستەر مەن ساراپشىلار كلۋبى مەملەكەت باسشىسىنىڭ قازاقستان حالقى اسسامبلەياسىنىڭ XV سەسسياسىندا بەرگەن تاپسىرماسى بويىنشا قۇرىلعان. كلۋب-تولەرانتتىلىقتى نىعايتۋدا، ەتنوسارالىق، قوعامدىق كەلىسىم مەن ازاماتتىق بىرلىكتى ساقتاۋدا باق-تىڭ كۇش-جىگەرىن شوعىرلاندىرۋعا ىقپال ەتەتىن تۇراقتى جۇمىس ىستەيتىن كونسۋلتاتيۆتىك-ساراپتامالىق الاڭ.
كلۋب توزىمدىلىكتى نىعايتۋعا، مەملەكەتتەگى ەتنوسارالىق كەلىسىمدى، ازاماتتىق بىرلىكتى، ءپاتريوتيزمدى جانە رۋحاني-مادەني قوعامداستىقتى ساقتاۋعا ىقپال ەتۋگە؛ جۋرناليستىك ەتيكا قاعيداتتارىن ساقتاۋعا، دامىتۋعا جانە ەنگىزۋگە، سونداي-اق ەتنوسارالىق تاقىرىپتى جاريا ەتۋ ماسەلەلەرىندە جۋرناليستىك قوعامداستىقتا جاۋاپكەرشىلىكتى قالىپتاستىرۋعا ارنالعان.
كلۋب مەملەكەتتىك ۇلتتىق ساياساتتى جەتىلدىرۋ، ەتنوسارالىق كەلىسىم مەن قوعامداعى تۇراقتىلىقتى نىعايتۋ بويىنشا ۇسىنىستار دايىندايدى؛ ب ا ق ءۇشىن ەتنوسارالىق سيپاتتاعى تاقىرىپتاردى دۇرىس جاريالاۋ بويىنشا ۇسىنىمدار ازىرلەيدى.
ءىس-شارا بارىسىندا دەپۋتاتتار جۋرناليستەردىڭ سۇراقتارىنا جاۋاپ بەرىپ، الداعى رەسپۋبليكالىق رەفەرەندۋمدى ەگجەي-تەگجەيلى تالقىلادى. جۋرناليستەر كلۋبىنىڭ وكىلدەرى ەتنيكالىق ب ا ق قىزمەتىنە قاتىستى وزەكتى ماسەلەلەردى كوتەردى. "ۇيعىر اۆازي" گازەتىنىڭ باس رەداكتورى ەرشات اسماتوۆ بۇگىنگى كۇنى اقپاراتتىق الاڭدا جۇمىسقا تۋرا كەدەرگى كەلتىرەتىن "جالعان" اقپاراتتىڭ ۇلكەن سانى بار ەكەنىن اتاپ ءوتتى، ويتكەنى بۇل قوعامداعى ۇلتارالىق الاۋىزدىقتىڭ ورشۋىنە ءجيى سەبەپ بولادى.
«ءبىز يدەولوگيا مەن حالىقارالىق بەيبىتشىلىكتى ناسيحاتتايتىن جالعىز باسىلىمبىز. سوندىقتان ەتنوجۋرناليستەردىڭ قوعامدا ءوز ءرولى بار»، - دەيدى Deutscht Allgemeine Zeitung رەسپۋبليكالىق نەمىس باسىلىمىنىڭ باس رەداكتورى ولەسيا كليمەنكو.
دەپۋتاتتار ءماجىلىستىڭ الداعى جۇمىس توپتارىندا جۋرناليستەردىڭ ۇسىنىستارىن قاراۋعا ۋادە بەردى.
پىكىر قالدىرۋ