الماتى قالاسىنىڭ "اسسامبلەيا جاستارى" رقب وكىلدەرى الماتى قالاسى قحا انالار كەڭەسىمەن بىرلەسىپ، "جەتىستىككە قادام" چەللەندجىن وتكىزۋ اياسىندا بۇگىن، 2022 جىلدىڭ 15 ماۋسىمىندا قيىن ومىرلىك جاعدايداعى بالالاردى قولداۋ ورتالىعىندا بالالارمەن موتيۆاسيالىق كەزدەسۋ ءوتتى.
بالالاردى تاربيەلەۋ ەرەسەكتەردىڭ ماڭىزدى مىندەتى بولىپ تابىلادى جانە بولىپ قالا بەرەدى. بالالار مەن جاسوسپىرىمدەر ءۇشىن جاعىمدى مىسال ءارقاشان وقۋ پروسەسىنىڭ ءادىسناماسىندا ءتيىمدى بولدى.
بۇگىنگى موتيۆاسيالىق كەزدەسۋ الماتى قالاسى ءماسليحاتىنىڭ دەپۋتاتى سەرىك ەسماتوۆتىڭ قاتىسۋىمەن بالالار جىلى اياسىندا ءوتتى. سپيكەر ءوزىنىڭ قيىندىقتاردى جەڭۋدەگى جەڭىل ەمەس تاجىريبەسى تۋرالى، ءوزىنىڭ ۋاجدەمەسى تۋرالى جانە بولاشاقتا بالالارعا دۇرىس باعىتتى تاڭداۋعا جانە ءوز ءومىر جولىن انىقتاۋعا كومەكتەسەتىن كوپ نارسە تۋرالى ايتتى.
سونداي-اق، سپيكەرلەر رەتىندە الماتى قالاسى انالار كەڭەسىنىڭ وكىلى حۋسەينوۆا زۋلفيا شاحمۋراتوۆنا جانە الماتى قالاسى "اسسامبلەيا جاستارى" رقب وكىلى موحاممەدسارۋار ومار ءسوز سويلەدى.
كەزدەسۋ بارىسىندا كوپتەگەن بالالار وزدەرىنىڭ ارماندارى، ماقساتتارى، جوسپارلارى تۋرالى ايتىپ، "اسسامبلەيا جاستارى" رقب مۇشەلەرى كەيبىر بالالارعا ءوز تالانتتارىن اشۋعا كومەكتەستى. بالالارمەن بىرگە ءتۇرلى ەتنيكالىق توپتاردىڭ اندەرى، بيلەرى ورىندالدى، سونداي-اق سپورتتىق، موتيۆاسيالىق ويىندار وتكىزىلدى. كەزدەسۋ ەركىن فورماتتا ءوتىپ، ورتالىق بالالارىنان ۇلكەن كەرى بايلانىس الدى.
الماتى قالاسى "قوعامدىق كەلىسىم" مەكەمەسىنىڭ باسپا ءسوز قىزمەتى
پىكىر قالدىرۋ