الماتى وبلىسىنداعى №10 مەكتەپتىڭ 11-سىنىپ وقۋشىسى، "اۆيسەننا" تاجىك ەتنومادەني ورتالىعىنىڭ وكىلى كوديري حۋشديل الماتى قالاسىندا شاحماتتان وتكەن "دوستىق كۋبوگى" تۋرنيرىندە ءبىرىنشى ورىنعا يە بولدى. دوستىق ءۇيى تاريحي عيماراتىنىڭ 50 جىلدىعىنا ارنالعان تۋرنير شۆەيساريا جۇيەسى فيدە 1 ەرەجەسى راپيد بويىنشا ءوتتى.

جارىسقا 60-قا جۋىق شاحماتشى قاتىستى، حۋشديل كوديري 6 پارتيانى جەڭىپ الدى، جەتىنشىدە تەڭ ويىن جاسادى، ناتيجەسىندە جالپى ەسەپتە ءبىرىنشى ورىندى يەلەندى. تاجىك ەكو-دان كەلگەن كوديري نۋكرابونۋ ايەلدەر مەن قىزدار اراسىندا ءبىرىنشى ورىنعا يە بولدى، ول ماقتاۋ قاعازىمەن جانە ەستەلىك سىيلىقتارمەن ماراپاتتالدى.

تۋرنير جوعارى دەڭگەيدە ءوتتى، جارىستىڭ باس فيدە تورەشىسى – كارايەۆ اسىلحان.

دوستىق ءۇيىنىڭ مەرەيتويىن مەرەكەلەۋ ءىس-شاراسىنا ق ر پرەزيدەنتىنىڭ كەڭەسشىسى مالىك وتاربايەۆ، ق ر پرەزيدەنتى اكىمشىلىگىنىڭ قازاقستان حالقى اسسامبلەياسى حاتشىلىعىنىڭ مەڭگەرۋشىسى مارات ءازىلحانوۆ، الماتى شاحمات فەدەراسياسىنىڭ پرەزيدەنتى، حالىقارالىق گروسسمەيستەر جانسايا ابدىمالىك، الماتى قالاسى ءماسليحاتىنىڭ دەپۋتاتى، "قازاقستاننىڭ 100 جاڭا ەسىمى "جوباسىنىڭ جەڭىمپازى، كارديوحيرۋرگ الماس قوداسبايەۆ، قازاقستان حالقى اسسامبلەياسىنىڭ، ەتنومادەني بىرلەستىكتەردىڭ وكىلدەرى، قالا تۇرعىندارى، جاستار جانە ب ا ق وكىلدەرى قاتىستى.

ءىس-شارا بارىسىندا "دوستىق" شاحمات كلۋبىنىڭ سالتاناتتى اشىلۋى ءوتتى. شاحمات كلۋبىنىڭ قىزمەتى جاستار اراسىندا شاحماتتى تانىمال ەتۋگە جانە جالپى زياتكەرلىك سپورت تۇرلەرىن تانىمال ەتۋگە باعىتتالاتىن بولادى.

الماتى قالاسى "قوعامدىق كەلىسىم" مەكەمەسىنىڭ باسپا ءسوز قىزمەتى