بۇگىن الماتى قالاسىنىڭ دوستىق ۇيىندە ZOOM پلاتفورماسىندا الماتى قالاسى قازاقستان حالقى اسسامبلەياسىنىڭ XXIV سەسسياسى ءوتتى. سەسسياعا الماتى قالاسىنىڭ اكىمى، الماتى قالاسى قحا ءتوراعاسى ەربولات دوسايەۆ جانە الماتى قالاسى اكىمىنىڭ ورىنباسارى، الماتى قالاسى قحا ءتوراعاسىنىڭ ورىنباسارى ارمان قىرىقبايەۆ قاتىستى.
ەربولات دوسايەۆ XXIV سەسسيانى رەسمي تۇردە اشا وتىرىپ، قۇتتىقتاۋ ءسوز سويلەدى.
ول قازاقستان حالقى اسسامبلەياسىنىڭ قىزمەتى جالپىۇلتتىق كەلىسىم مەن بىرلىكتى نىعايتۋ، بەيبىتشىلىكتى ساقتاۋ بويىنشا ماڭىزدى مەملەكەتتىك ميسسيانى اتقاراتىنىن اتاپ ءوتتى.
بۇدان ءارى الماتى قالاسى اكىمىنىڭ ورىنباسارى ارمان قىرىقبايەۆ بايانداما جاسادى.
"بۇگىن الماتى قالاسىندا قازاقستان حالقى اسسامبلەياسى قىزمەتىنىڭ ارقاسىندا ەتنوسارالىق كەلىسىمدى قامتاماسىز ەتۋ سالاسىندا مەملەكەتتىك ورگاندار مەن ازاماتتىق قوعام ينستيتۋتتارىنىڭ ءتيىمدى ءوزارا ءىس-قيمىلى قامتاماسىز ەتىلدى. 2022 جىلدىڭ ءبىرىنشى جارتىجىلدىعىندا الماتى قالاسىنىڭ قازاقستان حالقى اسسامبلەياسى قوعامدىق كەلىسىمدى، بەيبىتشىلىك پەن ىزگىلىك يدەياسىن نىعايتۋعا باعىتتالعان 250-دەن استام ءىس-شارا وتكىزدى" دەدى.
قحا مۇشەلەرى الماتى قالاسىنداعى قازاقستان حالقى اسسامبلەياسىنىڭ قىزمەتىن قورىتىندىلاپ، "جاڭا قازاقستان: جاڭارۋ مەن جاڭعىرۋ جولى" ستراتەگياسى اياسىندا الداعى كەزەڭگە ارنالعان پەرسپەكتيۆالىق مىندەتتەردى ايقىندادى.
وسىلايشا، ءۇش نەگىزگى باعىت انىقتالدى:
ءبىرىنشىسى – قحا-نىڭ ساياسي رەفورمالاردى جۇزەگە اسىرۋداعى ءرولىن كۇشەيتۋ؛
ەكىنشى – قحا-نىڭ اقپاراتتىق جۇمىسىن كۇشەيتۋ جانە قوعامدىق الەۋەتىن جانداندىرۋ؛
ءۇشىنشىسى – قۇقىق قورعاۋ قىزمەتىن كۇشەيتۋ.
ەستەرىڭىزگە سالا كەتەيىك، قازاقستان پرەزيدەنتى، قحا ءتوراعاسى قاسىم-جومارت توقايەۆ قازاقستان حالقى اسسامبلەياسىنىڭ XXXI سەسسياسىندا اسسامبلەيانىڭ ازاماتتىق بىرلىكتى نىعايتۋعا قوسقان ۇلەسى زور ەكەنىن اتاپ ءوتىپ، قحا-نىڭ جاڭا بولمىسىندا بەيبىتشىلىك پەن كەلىسىم ساياساتىنىڭ بەرىك ينستيتۋسيونالدىق تىرەگى بولىپ قالا بەرەتىنىنە سەنىم ءبىلدىردى.
وتىرىس بارىسىندا الماتى قالاسى قازاقستان حالقى اسسامبلەياسى قىزمەتىنىڭ نەگىزگى باعىتتارى بويىنشا باياندامالار تىڭدالدى.
الماتى قالاسى قحا الدىندا تۇرعان نەگىزگى مىندەتتەر تۋرالى الماتى قالاسى قحا ءتوراعاسىنىڭ ورىنباسارى، قازاقستاندىق ورىس مادەني ورتالىعىنىڭ ءتوراعاسى ۆسيەۆولود لۋكاشيەۆ ايتىپ بەردى.
الماتى قالاسى قحا قوعامدىق كەلىسىم كەڭەسىنىڭ وتكەن جىلعى اتقارعان جۇمىسى جانە قالعان كەزەڭدەگى جوسپارلارىمەن الماتى قالاسى قحا قوعامدىق كەلىسىم كەڭەسىنىڭ ءتوراعاسى احمەتجان شاردينوۆ ءبولىستى.
ءوز كەزەگىندە، انالار كەڭەسىنىڭ اتقارعان جۇمىستارى تۋرالى الماتى قالاسى قحا انالار كەڭەسىنىڭ ءتورايىمى ماحينۋر يسرايلوۆا بايانداما جاساپ، ۇلتارالىق كەلىسىمدى نىعايتۋعا جانە دامىتۋعا ۇلەس قوسىپ وتىرعان انالار كەڭەسىنىڭ ءاربىر مۇشەسىنىڭ زور ەڭبەگىن اتاپ ءوتتى.
بايانداما سوڭىندا الماتى قالاسى قحا جۋرناليستەر كلۋبىنىڭ ءتوراعاسى، رەسپۋبليكالىق نەمىس "Deutsche Allgemeine Zeitung" گازەتىنىڭ باس رەداكتورى ولەسا كليمەنكوعا ءسوز بەرىلدى. ءوز سوزىندە ول ەتنوسارالىق قاتىناستاردى دامىتۋ مەن نىعايتۋداعى جۋرناليستەر كلۋبىنىڭ ماڭىزدى ءرولىن اتاپ ءوتتى. جۋرناليستەر كلۋبى اسسامبلەيا قىزمەتىن جاريالاۋ بويىنشا بەلسەندى جۇمىس جۇرگىزەدى جانە تولەرانتتىلىقتى نىعايتۋعا، ەتنوسارالىق، قوعامدىق كەلىسىم مەن ازاماتتىق بىرلىكتى ساقتاۋعا تىكەلەي قاتىسادى.
قورىتىندىلاي كەلە، الماتى قالاسى قازاقستان حالقى اسسامبلەياسىنىڭ قىزمەتىن جەتىلدىرۋ بويىنشا ۇسىنىستار مەن ۇسىنىمدار تىڭدالدى.
ءىس-شارانىڭ رەسمي بولىگىن قورىتىندىلاي كەلە، الماتى قالاسىنىڭ اكىمى ەربولات دوسايەۆ قحا-نىڭ بارلىق مۇشەلەرىنە بەلسەندى قاتىسقانى ءۇشىن العىس ايتىپ، الداعى جۇمىسىنا ساتتىلىك تىلەدى.
الماتى قالاسى اكىمىنىڭ ورىنباسارى ارمان قىرىقبايەۆ اسسامبلەياعا ەرەكشە جاۋاپكەرشىلىك جۇكتەلگەنىن اتاپ ءوتتى. اسسامبلەيا - تۇراقتىلىقتىڭ كەپىلى. بۇل ءۇشىن بارلىق مۇمكىندىكتەر بار-ساپالى ادامي كاپيتال، تيىمدىلىكتى كورسەتەتىن جۇمىستىڭ جيناقتالعان ادىستەرى، سونداي-اق قوعامدىق يگىلىكتەر ءۇشىن جاسامپاز ارناعا باعىتتالۋى ءتيىس جاس ازاماتتاردىڭ الەۋەتى.
الماتى قالاسى "قوعامدىق كەلىسىم" مەكەمەسىنىڭ باسپا ءسوز قىزمەتى
پىكىر قالدىرۋ