الماتى قالاسى الەۋمەتتىك ءال-اۋقات باسقارماسىنىڭ "ايالا" الەۋمەتتىك قىزمەت كورسەتۋ ورتالىعى مەن الماتى قالاسى قازاقستان حالقى اسسامبلەياسى ءازىربايجاندار قاۋىمداستىعى بىرلەسىپ قۇربان مەرەكەسىنە وراي مۇمكىندىگى شەكتەۋلى بالالاردى تاربيەلەپ وتىرعان 53 وتباسى ءۇشىن قايىرىمدىلىق اكسياسىن وتكىزدى.
ۇيىمداستىرۋشىلار ازىق-تۇلىك سەبەتتەرى تۇرىندە گۋمانيتارلىق كومەك كورسەتتى. الماتى قالاسى قحا ازەربايجاندار قاۋىمداستىعىنىڭ ءتوراعاسى گاحرامان سادييەۆ بۇل قايىرىمدىلىق اكسيا داستۇرگە اينالىپ، جىل سايىن وتكىزىلىپ وتىراتىنىن اتاپ ءوتتى.
"ءبىز ءۇشىن ەڭ باستىسى بالالاردى قۋانتۋ جانە مۇگەدەك بالالاردى تاربيەلەپ وتىرعان اتا-انالاردى قولداۋ. ازەربايجاندار قاۋىمداستىعى اتىنان قازاقستاندىقتاردى وسى قاسيەتتى مەرەكەمەن قۇتتىقتايمىن!" دەدى ول ءوز سوزىندە.
ءىس-شاراعا ق ر پارلامەنتى ءماجىلىسىنىڭ دەپۋتاتى ءابىلفاس حامەدوۆ، ءازىربايجاندار قاۋىمداستىعىنىڭ رەسپۋبليكالىق جانە قالالىق ورتالىقتارىنىڭ مۇشەلەرى، ب ا ق وكىلدەرى بەلسەندى قاتىستى.
ءىس-شارا سوڭىندا "ايالا "الەۋمەتتىك قىزمەتتەر ورتالىعى" كمم باسشىلىعى مەن تاربيەلەنۋشىلەرى ۇيىمداستىرۋشىلارعا وتباسىلارىنا كورسەتىلگەن كوڭىل مەن كومەك ءۇشىن العىستارىن ءبىلدىردى.
الماتى قالاسى "قوعامدىق كەلىسىم" مەكەمەسىنىڭ باسپا ءسوز قىزمەتى
پىكىر قالدىرۋ