ءبالالار-بىزدىڭ بولاشاعىمىز. وكىنىشكە وراي، قيىن ومىرلىك جاعدايعا تاپ بولعان، اتا-اناسىز ءوسىپ، بالالار ۇيىندە تاربيەلەنىپ جاتقان بالالار بار. الماتى قالاسى قازاقستان حالقى اسسامبلەياسىنىڭ انالار كەڭەسى ءارقاشان بالالاردى قولداۋعا جانە ولارعا كومەكتەسۋگە تىرىسادى.
جاقىندا عانا تۇرىك ەتنومادەني بىرلەستىگىنىڭ انالار كەڭەسى الماتى وبلىستىق № 1 بالالار ءۇيىنىڭ بەس قىزىنا كومەكتەستى. تۇلەكتەرگە كيىم، اياق كيىم، سومكەلەر جانە ت.ب. ساتىپ الىندى.
انالار كەڭەسىنىڭ مۇشەلەرى قىزدارمەن اڭگىمەلەسىپ، ومىرلىك تاجىريبەلەرىمەن ءبولىستى. بەلگىلى بولعانداي، بۇل تۇلەكتەردىڭ اراسىندا دجيۋ-دجيتسۋدان الەم چەمپيونى اننا ۆودولازوۆا بولدى. ۇيىمداستىرۋشىلار اتاپ وتكەندەي، ەڭ باستىسى، قىزدار شىعارىلىم الدىندا كوپتەگەن جاعىمدى ەموسيالار الدى.
"ءبىز بۇل قىزداردىڭ ۇلكەن جانە جارقىن بولاشاعى بولادى دەپ ۇمىتتەنەمىز جانە سەنەمىز، ويتكەنى ولار وزدەرىنىڭ جەتىستىكتەرىن كورسەتەدى. ءبىز، ءوز كەزەگىمىزدە، ولاردى بارلىق جاعىنان قولداۋعا ءارقاشان دايىنبىز!» دەيدى انالار كەڭەسىنىڭ وكىلدەرى.
الماتى قالاسى "قوعامدىق كەلىسىم" مەكەمەسىنىڭ باسپا ءسوز قىزمەتى
