الماتى قالاسىنىڭ انالار كەڭەسى «مادەنيەتتى انا – مادەنيەتتى ۇلت» رەسپۋبليكالىق جوباسى اياسىندا بەسىك جىرى سايىسىن وتكىزدى. بايقاۋعا انالار كەڭەسىنىڭ بەلسەندى مۇشەلەرى، سونداي-اق جاستار وكىلدەرى قاتىستى.
جوبا قحا ءتوراعاسىنىڭ ورىنباسارى – قحا حاتشىلىعىنىڭ مەڭگەرۋشىسى مارات ءازىلحانوۆتىڭ توراعالىعىمەن وتكەن قازاقستان حالقى اسسامبلەياسى انالار كەڭەسىنىڭ رەسپۋبليكالىق وتىرىسىندا ۇسىنىلعان.
وسىلايشا، الماتى قالاسىنىڭ انالار كەڭەسى «مادەنيەتتى انا – مادەنيەتتى ۇلت» جوباسىنىڭ جول كارتاسى اياسىندا بەسىك جىرىنىڭ كونكۋرسىن جاريالادى. بايقاۋعا ەتنومادەني بىرلەستىكتەردىڭ انالار كەڭەستەرىنەن توعىز ءوتىنىم كەلىپ ءتۇستى، ولاردىڭ ىشىندە: كۇرد، تۇرىك، ۇيعىر، پولياك، نەمىس، قىرىم تاتارلارى، ءازىربايجان، تۇرىكمەن ورتالىقتارىنىڭ انالار كەڭەستەرى جانە «اسسامبلەيا جاستارى» رقب بار.
بايقاۋدىڭ باستى ماقساتى – وتباسىلىق قۇندىلىقتاردى، ۇلتتىق داستۇرلەردى ساقتاۋ جانە وسكەلەڭ ۇرپاقتى تاربيەلەۋ. بايقاۋعا قاتىسۋشىلار وزدەرىنىڭ انا تىلىندە بەسىك جىرىن ورىندادى جانە مۇنىڭ ءبارى الدىن-الا دايىندالعان بەينەروليكتە كورسەتىلدى. ءار ورتالىق ءوزىنىڭ شىعارماشىلىق قابىلەتتەرىن كورسەتە وتىرىپ، ءوز حالقىنىڭ مادەنيەتىن كورسەتە الدى.
وسىلايشا، بۇگىن الماتى قالالىق دوستىق ءۇيىنىڭ قابىرعاسىندا بايقاۋدىڭ قورىتىندىسى شىعارىلدى. بارلىق قاتىسۋشىلاردىڭ اراسىنان قازىلار القاسى 9 ۇزدىك جۇمىستى تاڭداپ، نوميناسيالادى، ولارعا قۇرمەت گراموتالارى مەن باعالى سىيلىقتار بەرىلدى.
قاتىسۋشىلار اراسىندا ءار ءتۇرلى جاستاعى وكىلدەر بولدى. تۇرىكمەن مادەني ورتالىعىنىڭ وكىلى، 10 شوبەرەنىڭ اجەسى سولاردىڭ ءبىرى. بۇل - ۇلتتىق قۇندىلىقتار ساباقتاستىعىنىڭ كەيىنگى ۇرپاققا جارقىن ۇلگىسى. بايقاۋعا قاتىسۋشىلار وزدەرىنىڭ جاعىمدى ەموسيالارىمەن ءبولىسىپ، بۇل بايقاۋ ولاردىڭ ءارقايسىسىنا انا ماحابباتى مەن مەيىرىمىن سەزىنۋگە مۇمكىندىك بەرگەنىن اتاپ ءوتتى.
«ءبىز بۇل بايقاۋعا وتە جاۋاپكەرشىلىكپەن قاراپ، ءار ورتالىق ءوزىنىڭ ۇلتتىق ناقىشىن بەسىك جىرى ارقىلى كورسەتۋگە تىرىستىق. سونداي-اق، ءبىز جاستارىمىزدىڭ بەلسەندى بولىپ، جوبالارىمىزدى قولدايتىنىنا قۋانىشتىمىز. الدىمىزدا بۇدان دا قىزىقتى ءارى تانىمدى ءىس-شارالار كۇتىپ تۇر» دەپ اتاپ ءوتتى الماتى قالاسى انالار كەڭەسىنىڭ ءتورايىمى ماحينۋر يسرايلوۆا.
الماتى قالاسى "قوعامدىق كەلىسىم" مەكەمەسىنىڭ باسپا ءسوز قىزمەتى
