اقتاۋدا 26 جاستاعى پوليسيا قىزمەتكەرىنىڭ قازاسىنا بايلانىستى تەرگەۋ ءجۇرىپ جاتىر، دەپ جازادى InAktau.kz پورتالى.
3 تامىز كۇنى ساعات 3.50-دە كەزەكشى پوليسەيگە پىشاق جاراقاتىن العان 26 جاستاعى جىگىت اۋرۋحاناعا جەتكىزىلگەنى، الايدا ەسىن جيماستان قايتىس بولعانى تۋرالى حابار كەلىپ تۇسكەن.
"قايتىس بولعان ادام ەڭبەك دەمالىسىندا جۇرگەن پوليسيا قىزمەتكەرى بولىپ شىقتى. جەدەل-ىزدەۋ شارالارىنىڭ بارىسىندا 27 جاستاعى كۇدىكتى انىقتالىپ، ۇستالدى" دەلىنگەن ماڭعىستاۋ وبلىسى پوليسيا دەپارتامەنتى حابارلاماسىندا.
اتالعان دەرەك سوتقا دەيىنگى تەرگەۋدىڭ ءبىرىڭعي تىزىلىمىنە قىلمىستىق كودەكستىڭ 99-بابى 1-بولىگى (ادام ءولتىرۋ) بويىنشا تىركەلىپ، سوت-مەديسينا ساراپتاماسى تاعايىندالعان. تەرگەۋ ءجۇرىپ جاتىر.
پىكىر قالدىرۋ