باس پروكۋراتۋرا قاڭتار ايىنداعى وقيعالار كەزىندە ۇستالعانداردى ازاپتاعان پوليسيا قىزمەتكەرلەرىنە قاتىستى قىلمىستىق ىستەردى تەرگەۋ بارىسى تۋرالى اقپارات جاريالادى.
باس پروكۋراتۋرا مالىمەتىنشە، قازىرگى ۋاقىتتا ارنايى پروكۋرورلار الماتى وبلىسىنىڭ پوليسيا دەپارتامەنتىندە ۇتىك باسىپ ازاپتاۋ تاسىلدەرىن قولدانۋ ءىسى بويىنشا تەرگەۋدى اياقتاعان.
"ناتيجەسىندە پوليسيا قىزمەتكەرلەرى 2022 جىلعى 7-17 قاڭتار ارالىعىندا تالدىقورعان قالاسىندا جاپپاي تارتىپسىزدىك جاساعانى ءۇشىن ۇستالعان 23 ازاماتقا ازاپتاۋ قولدانعانى دالەلدەندى. قىلمىستىق كودەكستىڭ 146-بابى (ازاپتاۋ) بويىنشا 5 پوليسيا قىزمەتكەرى كۇدىكتى دەپ تانىلدى، ونىڭ ىشىندە 3 كريمينالدىق پوليسيا باسقارماسىنىڭ قىزمەتكەرى، 1 اكىمشىلىك پوليسيا باسقارماسىنىڭ ينسپەكتورى جانە 1 جقاج قىزمەتكەرى. 2022 جىلعى 4 تامىزدا قىلمىستىق ءىس ءمانى بويىنشا قاراۋ ءۇشىن سوتقا جولداندى. ازاپتاۋدى قولدانۋدىڭ باسقا دا فاكتىلەرىن تەرگەۋ اياقتالۋعا جاقىن" دەلىنگەن اقپاراتتىق حابارلامادا.
اتالعان باپ بويىنشا ايىپكەردى بەس جىلدان ون ەكى جىلعا دەيiنگi مەرزiمگە باس بوستاندىعىنان ايىرۋ جازاسى كوزدەلگەن.
پىكىر قالدىرۋ