الماتىداعى ايەل مەن ونىڭ ەكى بالاسىنىڭ بەيمالىم ولىمىنە قاتىستى كورشىلەرى دە ەشتەڭە بىلمەيتىنىن ايتادى. بۇل تۋرالى ەۋرازيا ءبىرىنشى ارناسى حابارلادى. كورشىلەرىنىڭ ايتۋى بويىنشا، سول كۇنى 34 جاستاعى ايەلدىڭ كۇيەۋى ءىسساپاردان كەلگەن. الايدا پاتەردىڭ ەسىگىن اشا الماي، ەسىكتى بۇزىپ كىرگەن. 

– كۇيەۋى ىشكە كىرۋ ءۇشىن ەسىكتى بۇزىپ اشاتىن قىزمەتكە حابارلاسۋعا ءماجبۇر بولدى. ولاردىڭ ەكى بالاسى بولعانىن عانا بىلەمىز. چاتتا كورشىلەر ونىڭ جاقسى ايەل بولعانىن جازىپ جاتىر، – دەيدى كورشىسى اينۇر سارباسوۆا.

كورشىلەرى سول كۇنى ايەلدىڭ "كومەكتەسىڭدەر" دەپ ايعايلاعان داۋىسىن ەستىگەن. 

– 6 تامىز كۇنى ساعات 7:30 شاماسىندا تەرەزەمىز اشىق تۇردى. مەن بالامدى تاماقتاندىرىپ وتىرعان ەدىم. سوسىن ايەل ادامنىڭ "كومەكتەسىڭدەر!" دەپ قاتتى ايقايلاعانىن ەستىدىم. مەن داۋىس قايدان شىققانىن كورۋ ءۇشىن تەرەزەگە باردىم. باسقا كورشىلەرىم دە تەرەزەدەن قاراپ جاتىر ەكەن. سوسىن الگى داۋىس ساپ تىيىلدى. ارتىنشا بالانىڭ جىلاعان داۋىسى ەستىلدى. بولدى. الدەبىر تارس ەتكەن دىبىستى دا ەستىدىك. شامامەن 10 سەكۋندتاي ايقايعالاعان داۋىس تا تىنشىپ قالدى، – دەيدى مارقۇم ايەلدىڭ كورشىسى ايگەرىم مىرزابەكوۆا.

الماتىدا مامىر شاعىناۋدانىنداعى پاتەرلەردىڭ بىرىنەن 34 جاستاعى ايەل مەن ونىڭ 2 جانە 7 جاستاعى بالاسىنىڭ دەنەسى تابىلعان. وقيعاعا بايلانىستى قالالىق پوليسيا دەپارتامەنتى كىسى ءولتىرۋ دەرەگى بويىنشا سوتقا دەيىنگى تەرگەۋ امالدارىن باستادى.