قوستانايدا جوعالىپ كەتكەن 5 جاسار قىزدى ىزدەۋ بارىسىندا جۇگەرى القابىنان تىستەلگەن جۇگەرى تابىلعان. ىزدەۋ جۇمىستارى تاعى ءتورت باعىتقا كەڭەيتىلگەن. 

ىزدەستىرۋ جونىندەگى جەدەل شتاب مالىمەتىنشە، ماماندار وسى ۋاقىتقا دەيىن اۋەدەن 12-دەن استام ءورىستى شارلاپ، جاياۋ 8 ءورىستى ءتىنتىپ شىققان.

"جول بويىندا پوليسيا قىزمەتكەرلەرى سۋ مەن تاماق ونىمدەرىن قالدىرادى. قىز بالا ءالى انىقتالعان جوق. پايدالانىلعان اۋماقتى ەسكەرە وتىرىپ، ىزدەۋ ايماعى ءتورت باعىتتا كەڭەيتىلەدى. ءبىرىنشى – جامبىل اۋىلى – توبىل وزەنى، ەكىنشى – التىن دالا اۋىلى، ءۇشىنشى – قوستاناي قالاسى، ءتورتىنشى – سامير اۋىلى. سونىمەن قاتار، توبىل وزەنىنىڭ ارناسىن تەكسەرۋ جالعاسۋدا. كەشە جۇگەرى القابىندا بالا تىستەرىنىڭ ىزدەرى بار جۇگەرى قوبديشاسى تابىلدى. ول ساراپتاماعا جىبەرىلدى. تاڭەرتەڭنەن باستاپ ەكى تىكۇشاقپەن جانە ءبىر ۇشاقپەن اۋە پاترۋلدەرى جۇرگىزىلۋدە" دەلىنگەن پوليسيا حابارلاماسىندا.

7 تامىز كۇنى تاڭعى بەستەر شاماسىندا قوستاناي وبلىسى جامبىل اۋىلىندا 5 جاسار مادينا ەرلان قىزى جوعالىپ كەتكەن. ىقتيمالدى نۇسقا بويىنشا، ءبۇلدىرشىن تەرەزەدەن شىعىپ، بەلگىسىز باعىتقا كەتىپ قالعان. ۇستىندە ءىش كيىمنەن باسقا ەشتەڭە بولماعان. مادينا اۋتيزمگە شالدىققان، سويلەي المايدى.