ورال پوليسەيلەرى كاسىپكەر ەركىن مۇحانعالييەۆتىڭ ولىمىنە بايلانىستى قىلمىس بولعان جەردە تەرگەۋ شارالارىن جۇرگىزدى، دەپ حابارلادى "موي گورود" پورتالى.
"9 تامىزدا تاڭعى ساعات 10:00 شاماسىندا تەرگەۋشىلەر يساتاي-ماحامبەت كوشەسىندە ورنالاسقان "راحات لۋكۋم" ءدامحاناسىنىڭ اۋماعىنا كەلدى. تەرگەۋ الاڭى قورشالىپ، پوليسيا قىزمەتكەرلەرى كەزەكشىلىكتە تۇردى. سالدەن سوڭ قىلمىستىڭ باستى كۇدىكتىسى 31 جاستاعى رۋسلان قوجانتايەۆ تەرگەۋ ورنىنا جەتكىزىلدى. تەرگەۋشىلەر مەن ارنايى جاساق رۋسلان قوجانتايەۆتى الدىمەن ءدامحاناعا، كەيىن كولىك تۇراعىنا اپاردى. وندا ول قانسىراپ جاتقان ەركىن مۇحانعالييەۆتى قالاي پىشاقتاعانىن كورسەتتى. ودان كەيىن كۇدىكتىنى قارۋلى كۇزەت قىزمەتكەرلەرى يساتاي-ماحامبەت كوشەسىندەگى ۇيلەردىڭ بويىمەن الىپ كەتتى. ول قىلمىس جاساعاننان كەيىن قالاي قاشقانىن ايتىپ بەردى. تەرگەۋ كەزىندە قوجانتايەۆ ءوزىن بايسالدى ۇستاعان، اقىرىن سويلەپ، پوليسيا قىزمەتكەرلەرىنىڭ بارلىق بۇيرىعىن ورىنداعان" دەلىنگەن اقپاراتتا.
6 تامىزدا ورالدا كاسىپكەر 48 جاستاعى ەركىن مۇحانعالييەۆتى 2 ادام پىشاقتاپ ءولتىرىپ كەتكەن. مارقۇم قالاداعى "گۋلچاتاي" ءدامحاناسى مەن "ماحاببات" مەيرامحاناسىنىڭ قوجايىنى بولعانى حابارلاندى.
پىكىر قالدىرۋ