اقش-تاعى Google دەرەكتەردى وڭدەۋ ورتالىعىندا جارىلىس بولدى، دەپ حابارلادى The Register باسىلىمى.
پوليسيانىڭ مالىمەتىنشە، وقىس وقيعا اقش-تىڭ ايوۆا شتاتىنداعى بلاففس قالاسىنداعى Google ورتالىعى عيماراتتارىنىڭ جانىنداعى قوسالقى ستانسادا بولعان. سول ۋاقىتتا ستانسيادا 3 ەلەكتريك جۇمىس ىستەپ جاتقان.
ەلەكتر رازريادىنان تۋىنداعان جارىلىس سالدارىنان 3 ەلەكتريك تە اۋىر جاراقات الىپ، جەرگىلىكتى اۋرۋحاناعا جەتكىزىلدى.
"ءبىز ايوۆا شتاتى بلاففس قالاسىنداعى Google دەرەكتەر ورتالىعىندا،ى ەلەكترلىك وقيعادان حاباردارمىز. جارىلىس سالدارىنان 3 ادام جاراقات الىپ، ءقازىر كومەك كورسەتىلىپ جاتىر. بارلىق قىزمەتكەرلەردىڭ دەنساۋلىعى مەن قاۋىپسىزدىگىنە باسىمدىق بەرەمىز. سونداي-اق ءبىز جاعدايدى مۇقيات زەرتتەپ، قاجەتتى كومەك كورسەتۋ ءۇشىن سەرىكتەستەرمەن جانە جەرگىلىكتى بيلىك ورگاندارىمەن تىعىز بايلانىستامىز" دەلىنگەن Google مالىمدەمەسىندە.
ورتالىق – Google كەشەنى كومپانيالارىنىڭ ەڭ ءىرى دەرەكتەردى وڭدەۋ ورتالىقتارىنىڭ ءبىرى. وندا ۇلكەن كولەمدەگى دەرەكتەردى ساقتاۋعا جانە وڭدەۋگە ارنالعان جۇزدەگەن سۋپەركومپيۋتەرلەر بولعان.
پىكىر قالدىرۋ