ەلدە وندىرىلگەن قانتتىڭ 90 پايىزىن ءىرى كوتەرمە جەتكىزۋشى ساتىپ الىپ، تاۋاردى اينالىمعا شىعارماي قولدان تاپشىلىق جاساعان. بۇل تۋرالى  باسەكەلەستىكتى قورعاۋ جانە دامىتۋ اگەنتتىگىنىڭ ءتوراعاسى سەرىك جۇمانعارين ءمالىم ەتتى.

ونىڭ ايتۋىنشا، ەلدە قانتتىڭ نەگىزگى كولەمى جامبىل جانە الماتى وبلىستارىندا ورنالاسقان ءتورت زاۋىتتا وندىرىلەدى.

– بۇل رەتتە ەلدە وندىرىلگەن قانتتىڭ نەگىزگى كولەمىن، شامامەن 90 پايىزىن ءىرى كوتەرمە جەتكىزۋشى ساتىپ الىپ وتىرعان. ونىڭ ىس-ارەكەتتەرىنەن تاۋاردى اينالىمنان الىپ قويۋ بەلگىلەرى بايقالىپ وتىر، سونىڭ سالدارىنان قانتتىڭ نارىقتىق باعاسى 700-800 تەڭگەگە دەيىن كوتەرىلگەن، ال ءوندىرۋشى زاۋىت ونى 420-450 تەڭگەدەن ساتادى. قانت ساتۋدىڭ ديناميكاسىن زەرتتەۋ بارىسىندا ءار ايدىڭ سوڭىندا كومپانيادا ەلدىڭ جەكەلەگەن وڭىرلەرىندە سۇرانىستى ءىشىنارا قاناعاتتاندىرۋعا مۇمكىندىك بەرەتىن قالدىق قور بولعانى انىقتالدى، – دەدى سەرىك جۇمانعارين ەكونوميكانى دەمونوپوليزاسيالاۋ جونىندەگى كوميسسيانىڭ كەزەكتى وتىرىسىندا.

الايدا اگەنتتىك باسشىسى قولدان تاپشىلىق جاساعان ءىرى كوتەرمە جەتكىزۋشىنىڭ اتى اتامادى. تەك پرەمەر-مينيستر ءاليحان سامايلوۆ قانت ءمونوپوليسىنىڭ قىزمەتىن تەكسەرۋدى تاپسىردى.