ەلدە تۇتىنۋ نەسيەلەرىن الۋ شارتتارىن قاتاڭداتۋ ۇسىنىلىپ وتىر. قارجىلىق مونيتورينگ اگەنتتىگى تالقىعا شىعارعان قۇجاتتا جوبا تۇتىنۋ نەسيەسى شامادان تىس كوبەيىپ كەتۋىنە جول بەرمەۋ، حالىقتىڭ قارىز جۇكتەمەسىن شەكتەۋ ءۇشىن جاسالعانى ايتىلادى.

ۇسىنىلعان قۇجاتقا ساي، قارىز جۇكتەمەسى كوەففيسەنتىن بارلىق دەرلىك نەسيە تۇرلەرى مەن ميكرونەسيەگە ەنگىزۋ كوزدەلگەن. جاڭاشىلدىقتىڭ تەك قارىز سوماسىن تولىق وتەيتىن جىلجىمايتىن مۇلىك كەپىلگە قويىلعان نەسيە تۇرلەرىنە، ءبىلىم سالاسىنداعى نەسيەلەندىرۋ مەن ءتۇرعىن-ۇي جيناعى جۇيەسىنە قاتىسى جوق.

قازىرگى رەداكسيا بويىنشا بانكتەر قارىز الۋشىنىڭ تابىسى كۇنكورىس دەڭگەيىنەن (2022 جىلى 37 389 تەڭگە) تومەن بولسا، وتباسىنىڭ كامەلەتكە تولماعان ءار مۇشەسىنە كۇنكورىس دەڭگەيى سومماسىنىڭ جارتىسى سايكەس كەلسە، قارىز جۇكتەمەسى كوەففيسەنتى شەكتى ماننەن اسسا، نەسيە بەرۋدەن باس تارتا الادى.

جاڭا رەداكسيادا قارىز الۋشى وسى جاعدايدىڭ بىرىنە سايكەس كەلسە، بانكتەرگە وڭ شەشىم قابىلداۋعا تىيىم سالۋ ۇسىنىلىپ وتىر.

قۇجاتتى تالقىلاۋ 24 تامىزعا دەيىن جالعاسادى.